Má rukka seðilgjald?

Bara forvitni þar sem ég hef kannski misst af einhverju.

Stundum er ekki gert of mikið af því að kynna fyrir "fólki flestu" það sem getur orðið til sparnaðar, hvernig sem á því stendur.

Ég las til dæmis í einhverju staðarblaðinu í vetur að nú væri frítt fyrir börn og unglinga í sund hér á Selfossi. Gott mál.  En var þetta kynnt fyrir almenningi  - almennilega?

Í skólanum hef ég svo stungið því að krökkum, sem "vita ekkert hvað þau eiga að gera" að skella sér bara í laugina - kostar ekki neitt. Og margoft hefur það komið þeim algerlega á óvart. Haaa? Er það hægt? Kostar það ekki neitt?

Þau vita ekki um þetta, en verða ákaflega ánægð þegar ég fæ þau til að trúa mér.

Þarna vantar eitthvað uppá kynningu. 

Svo var það þetta með seðilgjöldin. Var ekki einhver reglugerð gefin út sem bannaði innheimtu seðilgjalda á meinlausa mánaðareikninga?

Kannski bara rugl í mér, en mér finnst mikið að borga 400 króna seðilgjald fyrir einn reikning frá Húsasmiðjunni. Það á ekki að skipta máli hver upphæðin er en í þetta sinn var seðilgjaldið nærri 1/3 af reikningnum öllum. Má þetta? 

Er ekki útrásarvíkingur þarna?

Er það ekki þarna sem fjárglæfrabófarnir eru að eyða ránsfengnum? Örugglega var einn þar um daginn í ferð sem kostaði einhverjar 100 millur. Einhver Hreiðar held ég? Kannski þeir gætu sett spotta í dallinn og fengið svo björgunarlaun?

Farþegaskip í vanda við suðurskautið

Nú líkar mér lífið

Ég veit ekkert hvers vegna - ég er bara í góðu skapi. Ekkert hefur samt hent mig í dag sem sérstaklega er gleðiefni, ekki nema bara að ég vaknaði hress í morgun og allt gekk svo í dag eins og ætlað var, bara góður dagur. Samt gat ég eiginlega ekkert verið með í blakinu í leikfimitímanum af því ég er enn hálf stirð í hnénu sem ég tognaði víst á í hreystitíma fyrir hálfum mánuði. Bara ef maður sparkar bolta aðeins of fast geta svona gömul hné orðið fyrir tjóni. En það er alveg að lagast.

Ég kom við í bankanum á heimleiðinni og borgaði fasteignagjöldin. Kannski segir einhver að það sé nú ekki gleðiefni? Jú víst, það er gott að geta borgað, jafnvel þessi svívirðilegu fasteignagjöd sem hækka árlega og líka núna þó manni sé í hinu orðinu sagt að húsið sé nú eiginlega  orðið þriðjungi minna virði en það var í fyrra. Það hefur engin áhrif til lækkunar, heldur öfugt. Dæmalaust er ég glöð að þurfa ekki að hugsa um þetta óréttlæti næsta mánuðinn.  

Hálkan er að hverfa af götum og stéttum - frábært. Ég fór að vísu á göddunum í skólann í morgun af því það var dimmt. Aldrei að vita nema maður slysist í myrkrinu til að stíga einmitt á eina hálkublettinn á leiðinni. Þeir voru reyndar margir á gangstéttinni og Víðivellir voru ein klakabreiða. Það er von á því, ekkert mokað og bílarnir hafa bara troðið snjóinn sem svo varð að klakabrynju. En nú er þetta allt að hverfa og vonandi eru peningarnir sem ekki fóru í mokstur einhversstaðar annarsstaðar að gera góða hluti.  Eða voru þeir ekki annars til - einhversstaðar? 

Ég reif járnin undan þegar ég lagði af stað heim, þá gat ég valið mér gönguleið- alauða. Það er lika skemmtilegra þegar maður kemur í búðir og stofnanir - að vera ekki á járnum.Glamur í göddum, í bankanum eða Bónus, kallar á neikvæða athygli, og ég er í skólanum löngu búin að læra að svoleiðis athygli er ekki góð. Ég tala nú ekki um þegar autt er orðið.  Þá líður manni eins og hryðjuverkamanni sem keyrir um alauðar götur bæjarins á negldu, jafnvel megnið af árinu. 

Það slagrigndi á heimleiðinni. Ég kom við á "Sunnlenska" og Elín bauð uppá tertu, en ég afþakkaði - í þetta sinn, og gekk heim rennandi blaut, stórum skrefum og naut þess að finna hnéð, og reyndar alla ganglimi fá eðlilegt átak og hreyfingu.

Loksins búið þetta langa klakatímabil, þegar ég staulaðist með alla vöðva stífa og stirða, viðbúin því að skella á rassinn, eða hrammana.

Vorið er á næsta leiti - og það er gaman.  

Ég hefði gaman af að sjá framaní þann --

--- sem reyndi að standa í vegi fyrir þessu réttlætismáli.

Næstu dagar fara í það hjá "Geira smart og co" að þrasa um það hverjum datt þetta í hug os.frv. Auðvitað reynir hann að þakka sér og sínum, og svo sitja þau hjá við atkvæðagreiðsluna, allavega flest.

Alveg ótrúleg vinnubrögð, að geta ekki staðið með því sem allir vita að er sjálfsagt mál, bara til að vera á móti hinu liðinu.

Þetta er auðvitað bara spá og spekúlering og úr því ég er byrjuð á því ætla ég að gerast svo djörf að spá því að Þorgerður muni styðja þetta - hún er "doldið kool". 

Vilja afnema eftirlaunalög

Blessuð sé minning hennar

Hún "hlaut ótímabæran dauðdaga". Mér finnst orðalagið klúðurslegt hvað sem öðru líður. Hún veiktist og dó fyrir aldur fram. Eða bara, þar sem hún var nú bara hundur, "þá drapst hún á besta aldri".  Vonandi fáum við fljótlega  annan góðan hund.

Fíkniefnahundur hlaut ótímabæran dauðdaga

Hvað er svona eftirsóknarvert

Hvernig stendur á að maðurinn virðist ekki geta hugsað sér lífið án formannsembættis?

Eru peningar í spilinu? Ég bara spyr af eintómri fáfræði.

 

Trúnaðarmannaráð VR kallað til fundar

Búin að finna sér stöðu til framtíðar?

Ekki trúi ég öðru. Hún er af því sem kalla má "gamla skólanum" í pólitíkinni og hefur örugglega fundið sér framtíðarbás, annars hefði hún hangið lengur a roðinu.

Valgerður ekki í framboð

Dalmálalág?

Ekki er ég nú staðkunnug á Húsavík, en eitthvað þykir mér þetta nafn dularfullt. Getur nokkuð verið að þarna ætti að standa Dagmálalág, það nafn myndi ég skilja.

„Þetta var óþægileg tilfinning"

Og af hverju þarftu þá, kjáninn þinn,

 að vera að vekja máls á þessu? Þú átt að vita að þeir þurfa á því að halda núna að hafa taugarnar í lagi svo hægt sé að koma einhverju gagnlegu í verk.

Tvö hænufet og tvíhöfða þurs

Þið eruð á Íslandi

Hvernig væri þá að skíra fyrirtækin sín íslenskum nöfum í staðinn fyrir að vera að apa svona útlent bull eftir?

Vonandi verður nú í framtíðinni hætt þessu group, holding, magazin og öðru erlendu nafnabulli. Við erum á Íslandi.

Margur verður af Aurum api. 

Aurum á Íslandi ekki tengt Baugi