Dagur sex

Engin sól í dag - og ekki heldur sund.

Við sáum í Sunnlenska, sem við fengum í gærkvöldi, að það hefðu fundist garðálfar fjöldamargir einhversstaðar úti í bæ. Greinilega eitthvað sem óprúttnir pörupiltar höfðu hnuplað í görðum bæjarbúa.

Ég hef ákveðnar hugmyndir um sálarástand þeirra sem stunda þessa iðju.  Þetta eru krakkar sem ættu eiginlega að vera komnir á unglingastigið en gengur illa að gleyma barnadótinu sínu= gengur illa að hætta að leika sér að bílum og dúkkum og svoleiðis.

Þess vegna verða greyin fyrir "flassbacki" þegar þeir sjá garðdverga og taka þá til að leika sér að eins og barnadótinu sem þeir áttu fyrir frekar fáum árum.  

Greyin, það verður að vorkenna þeim þessa hnökra á þroskanum.

Það er svo örugglega hlegið að þeim þegar þeir fara að leika með dvergana og þá gefast þeir upp. 

Það var fyrir nokkrum árum, að við áttum þrjá eða fjóra svona garðálfa.

Þeim var öllum stolið í skjóli nætur, þeim síðasta á nýársnótt þar sem hann stóð upplýstur og horfði með aðdáun á jólatréð í garðinum. 

                                                                                                                                Þess vegna datt mér í hug að kanna þetta sem tilkynnt var í Sunnlenska. Kannski hafði sá sem tók mína álfa haldið áfram að þroskast og væri jafnvel orðinn fullorðinn núna og fluttur að heiman. Foreldrar hans hefðu svo fundið dvergasafnið innst í horninu á bílskúrnum og ekki haft önnur ráð en að fara með þá á  víðavang og vona að eigendur fyndust. Kannski var einhver minna  álfa í safninu hjá löggunni.

 

Við stöllur fórum þess vegna út á löggustöð og fengum að skoða þar garðálfa.

En enginn var í bláum buxum með skóflu eða rauðri treyju með lukt.

Kannski okkar álfaræningi sé sérstaklega seinþroska?

Eftir hádegið kom Dýrleif í heimsókn og við fórum allar í skógarferð. Með nesti og poka fyrir hundasúrur sem eru nú orðnar fastur liður á matseðlinum.

Það var engin sól, en heldur ekki rigning. Eiginlega bara gott og aðgerðalaust veður.

Síðdegis var svo bara hefðbundin vinna í skúrnum, það er bara einn dagur eftir í vidskeiðamálningu. 

 

Athugasemdir

[Foreldrarnir í Lissabon (IP-tala skráð) 25.6.2009 kl. 21:21]

Ja hérna hér. Þetta hefur verið ferð á Lögreglustöðina. Okkur sýnist Una hafa allt eins búist við handtöku á stöðinni. Eins gott að hún hefur alveg hreinan skjöld.

[Helga R. Einarsdóttir, 25.6.2009 kl. 22:08]

Áttu ekki þessir foreldrar að vera komnir til Ítalíu?

[Foreldrarnir í Lissabon (IP-tala skráð) 25.6.2009 kl. 23:00]

Tjah, vid förum til Ítalíu á morgun, Binna var loks í fríi í dag. Fórum til Cascais sem er lítill strandbær. Cape cod er ad sökkva í sjóinn og Michael Jackson farinn. Vonum ad thid eigid godan föstudag. eb.

[Kata mágkona (IP-tala skráð) 26.6.2009 kl. 19:54]

Þið eruð svo fyndin, mikið er gaman að skoða þetta. Kossar úr 112.

[Josiha, 5.7.2009 kl. 23:18]

Mikið eru þetta skemmtilegar myndir