Bætur fyrir tjónið

Örugglega verður hægt að koma plöntunum í jörð, bara leggja nokkra hausa í bleyti og finna lausnir. Ég get vel tekið eitthvað af þeim - og jafnvel borgað fyrir.

Mér sýnist þessi frétt bera keim af því sem kalla mætti "bótaveiðar kerfisfræðinganna". 

Hér kemur viðbót eftir nokkur heilabrot: Ef það verða kosningar á árinu er vandinn leystur. Flokkarnir hafa oft reynt að tæla til sín kjósendur með trjáplöntum. Þarna geta þeir keypt þær fyrir krónurnar sem við(ríkissjóður) gefum þeim árlega. Og svo gefið okkur.

Milljón trjáplöntur á haugana

Kannski fór hann til Íslands?

Aldrei að vita, hér gerist svo margt furðulegt í fjármálunum.

Sjóðsstjóri gufar upp og peningarnir líka

"Og var það þá svona gamalt fótstigið"?

Ó - Ragnhildur Steinunn!  Seinheppin alla tíð, kannski alvöru ljóska?

Af því lagahöfundurinn var að nálgast sjötugt og hafði samið lagið sitt á orgel, datt henni Ragnhildi - í alvöru - helst í hug að orgelið væri "svona gamalt fótstigið". Brilljant

"Ríkiskerfið" hvað?

Er "greyinu Geir" algerlega fyrirmunað að viðurkenna mistök. "Ríkiskerfið" þarna þýðir auðvitað ÉG á nútíma íslensku.  Dæmalaust "gremjulegt", hvað er að manninum?

Mér fannst einu sinni að hann væri svo"mjúkur" og traustvekjandi.

En síðan eru liðin mörg ár.

Geir: Árið verður mjög erfitt

Og hvernig á annað að vera?

Alveg með ólíkindum - hvað eftir annað poppa upp svona "fagnaðarerindi", en til hvers?

Venjulegu fólki eins og mér(ég vona það) gengur betur að skilja þann boðskap sem í erindunum felst heldur en þeim sem telja sig öllum öðrum fremri og öllu ráða.

Þessi blessaður Benedikt segir auðvitað meiningu sína á dulmáli, enginn áhangandi sjálfstæðisflokknum vogar sér annað, en ég meira að segja skil það.

"Látið þá víkja sem enginn treystir, stingið bófunum inn og reynið að sýna að almenningur á Íslandi sé heiðarlegt fólk".

 

Telja að óreiðumenn stjórni bönkunum

Ekkert sem er leiðinlegt

Bara góðar fréttir hér, bara gaman í vinnunni, bara gott veður, allt gott.

Fimmtánda janúar á síðasta ári hringdi ég í eiginmanninn síðdegis og sagði honum að hann ætt bíl undir fönn við íþróttahús fjölbrautarskólans. Svo labbaði ég heim.

Hann fór svo eftir vinnu að leita að þessum bíl og það þurfti tvo bíla og  þrjú slitin tóg til að ná honum út af planinu.  Þegar bílnum hafði verið komið inn í skúr, fékk hann að vera þar einhverjar vikur í friði fyrir mér.

Mesta snjóatímabil í mínu minni var á síðasta ári, síðari hluti janúar og fram í febrúar, en nú er öldin önnur. Blíðviðri með  einstaka skúr eða éli af og til. Ekki undan neinu að kvarta og ég fer gangandi í skólann alla daga. Það er gott.

Nú er bensínið að hækka, engin ástæða til að eyða því þegar ekki þarf, gott mál.

Í kvöld var frumsýnd auglýsing frá símanum, um örugga netnotkun.  Þar var eitt barnabarnið í hlutverki og henni tókst það vel. Norpandi á tröppunum og var svo útilokuð. Allir krakkarnir skiluðu sínu svo vel að ég fékk hroll, og eiginlega tár. Líklega þýðir það að auglýsingin hafi áhrif, fólk hugsar sinn gang. Og það er gott.

Eftir áramótin hefur verið rólegheita yfirbragð á öllu og (flestum) í skólanum. Auðvitað koma einstaka uppþot, eins og hlýtur að verða í svona stóru samfélagi. En í heildina er bragurinn afslappaður og þægilegur. Það er mjög gott.

Á morgun er föstudagur, helgin er að koma einu sinni enn. Tíminn líður alveg ótrúlega, sem kannski er ekki alveg það æskilegasta. En sumarið nálgast og það er gott. 

Orð sem ég hef aldrei áður séð - en sjálfsagt jafn gott fyrir það?

Óumflúið - ég hefði í barnaskap mínum skrifað þarna óumflýjanlegt.

En auðvitað er allt í heiminum hverfult, eins og við þekkjum nú svo vel.

Kannski hefði alveg eins mátt segja "óflúið", hvað veit ég?

Óumflúið að Gæslan segi upp

Þar sem Samfylkingin kemur nærri fer allt til fjandans

Ja hérna!Alveg er þetta með ólíkindum.

Fjöldauppsagnir á Karólínska sjúkrahúsinu

Kannski kemur Gulli þangað líka?

Ekki seinna vænna að kynna sér hvað er verið að gera á þessum stofnunum sem hefur verið dreift um allt landið. Eins gott að þurfa ekki að mæta á fund í þinginu fyrr en undir mánaðamót.

Mótmæla breytingum harðlega

Skjóta fyrst og miða svo?

Skyldi blessaður maðurinn ekkert hafa kynnt sér starfssemi sjúkrahúsanna áður en hann lét til skarar skríða?

Heimsótti sjúkrahúsið á Sauðárkróki