Siglingu vesturfyrir?

Hvað eftir annað er ég minnt á að aldurinn færist yfir.
Nú stend ég í þeirri meiningu að skip sem er að koma frá Bandaríkjunum og á leið til Rússlands hljóti að vera á leiðinni AUSTUR FYRIR Ísland, en þarna kemur annað í ljós. Skipið er sagt vera á vesturleið?
Ekki getur verið að blaðamenn í ríki Davíðs kunni ekki mun á austri og vestri? Heldur ólíkegt.

Gæslan fylgist með olíuskipi

Athugasemdir

[Stefán Vignir Skarphéðinsson (IP-tala skráð) 20.10.2009 kl. 20:39]

Skipið fer líkast til Grænlandssundir fram hjá vesturströndinni, norður fyrir Vestfirði þaðan austureftir til Rússlands… Skipið er sem sagt á austurleið.

[Helga R. Einarsdóttir, 20.10.2009 kl. 20:43]

Og hvað ert þú gamall kallinn minn?

[Jón Snæbjörnsson, 20.10.2009 kl. 20:54]

þetta er rétt hjá Stefáni, í þessu tilfelli virðist skipið vera að forðast lægðir sem eru að koma upp að landinu

[jonas (IP-tala skráð) 20.10.2009 kl. 20:58]

Skipið er nú vestan megin við ísland en er á leið austur til Rússlands.  Ég er 35 ára .

[Jón Bragi Sigurðsson, 20.10.2009 kl. 21:06]

Sælar. Ég þykist vera nógu gamall til þess að leggja hér orð í belg Ég get ekki annað skilið af fréttinni en að skipið sé á austurleið þ.e.a.s. frá Bandaríkjunum til Rússlands og það fari norður fyrir Ísland þó að það geti vissulega á tímabili verið statt fyrir vestan Ísland.

[Jóhann Harðarson (IP-tala skráð) 20.10.2009 kl. 21:15]

Ég er líka 35 og sé ekkert að þessu orðalagi. Skipið er að sigla vestur fyrir Ísland, hvaðan það er að koma skiptir engu máli í þessu tilfelli. Hér er verið að tala um austur eða vestur ekki hægri eða vinstri.

"Og hvað ert þú gamall kallinn minn?" á þetta ekki að vera karlinn minn? :-)

[Jón Bragi Sigurðsson, 20.10.2009 kl. 21:24]

Jú get svo sem fallist á vestur fyrir líka. En þegar maður er á austurleið og krækir fyrir hindur á leiðinni þá er yfirleitt talað um að maður fari norður fyrir eða suður fyrir það.

[Helga R. Einarsdóttir, 20.10.2009 kl. 21:44]

Jú "karlinn minn", hárrétt hjá þér. En stundum tekur maður svona kjánalega til orða. kv.

[Krímer (IP-tala skráð) 20.10.2009 kl. 22:41]

Veit einhver hversu gamall eða gömul Krímer er ?

[Hjörtur Sævar Steinason (IP-tala skráð) 20.10.2009 kl. 22:56]

Góðan daginn,

ég get ekki lesið í greininni að skipið sé á VESTURLEIÐ !!

Heldur les ég í greininni að skipið fari VESTUR FYRI LAND á norður leið.

Það er ekki hægt að tala um að eitthvað fari suður eða norður fyrir þegar farið er vetur eða jafnvel austur fyrir.

Kveðja Hjörtur og JAKINN.is

[Jón Magnússon (IP-tala skráð) 20.10.2009 kl. 23:42]

Skipið  er á leið frá Bandaríkjunum og  í norðaustur til Múrmansk.Ef þú ert á þeirri leið getur þú valið um að fara norður eða suður fyrir Ísland.Þú getur farið suður fyrir landið og í austur með því  eða ef þú vilt fara styðstu leið og siglir stórbaug eins og þetta skip er greinilega að gera þá liggur leið þín fyrir vestan Ísland og norður fyrir landið. Ég hefði því orðað þetta svona. "Stjórnstöð Landhelgisgæslunnar hefur í dag fylgst með siglingu olíuskipsins ZOYMA sem er á siglingu vestur af Íslandi á leið sinni norður fyrir landið með stefnu á Múrmansk.Skipið er að koma frá Bandaríkjunum." Að segja að skipið sé á siglingu vestur fyrir Ísland þýðir á sjómannamáli að skipið sé að sigla í vestur þegar það er í raun að sigla í norðaustur út af vesturströnd Íslands.Og það besta við þessa frétt er að hún er tekinn beint af vef Landhelgisgæslunnar.

[Guðmundur (IP-tala skráð) 20.10.2009 kl. 23:53]

Þegar skip sigla vestan frá Bandaríkjunum og austur til Rússlands þá þurfa þau að sigla ansi norðlæga stefnu. Þau sigla svokallaðan stórbaug en það er stysta leið milli tveggja punkta. Þegar sigldur er stórbaugur norðarlega eða sunnarlega á hnettinum virðst á korti vera um mjög bogna línu að ræða og telja þeir sem ekki þekkja að þarna sé valin lengri leiðin. 

Þrátt fyrir að eðlilegt sé að segja að frá Bandaríkjunum siglum við í austur til Rússlands þá er tvennt sem taka þarf tillit til. Annað er að skipið er á leið norður fyrir Noreg sem er þá kannski í norðaustur frá Bandaríkjunum, en hitt er að þegar sigldur er stórbaugur til norðausturs þá er byrjað á að sigla norðlæga stefnu sem breytist smám saman í austlæga. Þess vegna er ekki óeðlilegt eða siglingaleið skipsins sé vestur fyrir land en ekki norður fyrir. Það mun í raun ekki sigla með norðurlandinu.

[Jón Magnússon (IP-tala skráð) 21.10.2009 kl. 01:14]

Ég sé það á þínum skrifum Guðmundur að þú er að þér í siglingarfræði en ég verð samt að vera þér ósammála um að skip á leið  frá USA  til Múrmansk á norðaustur stefnu vestur af Íslandi geti verið á siglingu vestur fyrir Ísland þegar það er á norðaustlægri stefnu . Þú ert út af vestfjörðum á leið annað hvort norður eða suður fyrir land hvort sem þú ferð djúpt eða grunnt og en aldrei á leið austur þegar þú stefnir í vestur. Að þetta orðalag sé frá gæslunni komið kem ég til með að nota í stríðni á mína gömlu skólafélaga úr Stýrimannaskólanum sem með fullri sæmt og virðingu hafa starfað á varðskipum okkar í bráðum 30 ár.

[Stefán Vignir Skarphéðinsson (IP-tala skráð) 21.10.2009 kl. 05:57]

Það kemur mér á óvart að eina tilsvarið sem þú gast fundið við þessari athugasemd hafi verið „Og hvað ert þú gamall kallinn minn?“. Er þetta eitthvað grín?

[Helga R. Einarsdóttir, 21.10.2009 kl. 16:22]

Fyrirgefðu Stefán, auðvitað  átti ég að þakka þér fyrir að standa með mér og þekkja mun á austri og vestri. 

Og þetta með aldurinn - jú kannski var ég svolítið að grína með minn eign aldur og hvort mér væri farið að förlast minnið.

[Helga R. Einarsdóttir, 21.10.2009 kl. 16:24]

Það má bæta því við að nú er fréttin sem olli þessu fjaðrafoki gjörbreytt frá því sem var í upphafi. Mín fyrsta athugasemd er algerlega ógild orðin.

[Krímer (IP-tala skráð) 21.10.2009 kl. 21:26]

Ógurlega ertu eitthvað styggur Vignir en hvað heldur þú að krímer sé gömul(gamall)?