Gjaldeyrir til utanlandsferða í anda 2007

Ef rétt og satt er, sem mér er sagt, að ég gæti fengið hálfa milljón króna í gjaldeyri, til að fara með í helgarferð til Boston. Og svo ef mér dytti í hug að fara aftur í næsta mánuði, eða þá kannski til London, mætti ég fá annað eins. Og svo áfram mánaðarlega ef ég ætti fyrir því. Hvers konar óráð er þetta ef rétt er?  Ég hef nokkrum sinnum farið til útlanda til lengri og skemmri dvalar, en aldrei eytt neinu í nálægð við þessra tölur. En ég er nú líka bara "venjulegt fólk" eða það held ég. Þetta eru ekki gjaldeyrishöft, heldur gengdarlaus mokstur, enda reglurnar sennilega settar af einhverjum þeirra sem hafa ruglast í ríminu - svona 2007 fólki.

Gjaldeyrisfrumvarpi dreift

Athugasemdir

[Púkinn, 31.3.2009 kl. 18:16]

500.000 per ferð er fyllilega raunhæf í sumum tilvikum - hins vegar eyða nú margir mun meiru, því ekki eru hömlur á kreditkortanotkun erlendis.

[Arnór (IP-tala skráð) 31.3.2009 kl. 18:45]

Vandamálið er bara að upphæðin er föst og ekki er tekið tillit til eðli ferða eða lengdar. Til dæmis finnst mér nokkuð raunhæft að árslangar heimsreisur kosti ansi mikið þó maður eyði aldrei neinu í námunda við 500.000kr í helgarferð til einhverrar borgar.

[Sigurður Hreiðar, 31.3.2009 kl. 22:14]

Jamm, og svo kostar þetta nú nokkuð, frænka góð, eins og gengið er núna!

Kv. í bæinn.

[Jórunn Sigurbergsdóttir , 2.4.2009 kl. 21:12]

Ekki þarf ég ýkja mikið.