Og enn kemur myndagáta

Þarna í ljósmyndasafninu er ótalmargt skemmtilegt.

Myndirnar eru merktar, eða með myndatexta, en ekki allta rétt, sem kannski er ekki von þar sem þetta berst að úr ýmsum áttum og ljósmyndarinn kannski löngu fallinn frá.

Þarna fann ég eina mynd sem sögð er úr Hrunamannahreppi, stúlka með hunda, en ég kannast ekkert við bæinn eða umhverfið. Önnur mynd af heyflutningum held ég geti verið frá sama bæ, en þekki ekki. Þarna er oft sagt að myndin sé úr Hrunamannahreppi en síðan nefnd bæjanöfn í Hvolhreppi. Mig grunar að þetta gæti verið þaðan. Veit nokkur?

Svo er ein mynd af stóru húsi og mörgum krökkum.

Þar finnst mér ég þekkja svip frá Unnarholtskoti, getur það verið rétt? Hvað heita þá þessir krakkar?

Athugasemdir

[Josiha, 2.2.2009 kl. 23:51]

Mér finnst fúlt að það eru engar myndir úr Sandvík eða Sandvíkurhreppi. Búhú.

[Sigurður Hreiðar, 3.2.2009 kl. 18:37]

Ekkert þekki ég af þessu. En það fyrsta sem mér datt í hug þegar ég sá Untitled 13 var Arnarholt í Stafholtstungum. En líklega er það tóm tjara.

Kveðja í bæinn

[Helga R. Einarsdóttir, 3.2.2009 kl. 20:05]

Rétt frændi - tjara er það. Þarna þekki ég tvær systur og líklega ungan bróður þeirra.

Ef þetta væri tekið í Arnarholti gætu þeir bræður Siggi og Búmmi ásamt Kollu systur verið börnin á túninu, en þar áttu þau heima áður en fjölskyldan flutti að Kjartansstöðum í Flóa 1950.

[Mýrarljósið (IP-tala skráð) 3.2.2009 kl. 22:10]

Minn maður þekkir ekki þessa bæi úr Hvolhreppnum, hvað þá ég.