Hvar er þessi auglýsing - ég veit um viðskiptavin

Já - ég sá það í dag með eigin augum að hér á Selfossi vantar verulega svona konur - eða bara menn - hvort sem er gerir sama gagn.

Ég var á ferð í úthverfi bæjarins og sá þá litla stúlku á bleiku hjóli. Hún hjólaði ákveðin í átt að miðbænum. Svo vildi þannig til að ég átti erindi í búð og var þar við innganginn þegar sú stutta siglir þar á fullri ferð uppað húsinu. Leggur hjólinu fyrir dyrnar og gengur inn. Nú var ég orðin verulega forvitin og leit í kringum mig eftir einhverskonar "fylgdarmanneskju", mömmu eða barnapíu eða bara einhverju. Stelpan var örugglega ekki eldri en þriggja ára, en ég sá enga mömmu. Svo elti ég hana inn í búðina. Hún gekk hiklaust að svona nammistandi sem er þarna, margar skúffur fullar af nammi. Hún tók poka, sem blessunarlega var í neðstu hillu og svo skófluna og byrjaði að moka í pokann. Allt varð það að vera úr neðstu hæð, hún náði ekki hærra. En það dugði vel og pokinn varð fljótlega vel hálfur. Svo skilaði hún skóflunni, leit aðeins á innihaldið í pokanum, virtist vel ánægð með það -og labbaði út!  Ég horfði á eftir henni. Hún tók hjólið steig á það og hjólaði sömu leið og hún áður kom. Ég fylgdist með henni yfir götur og gangbrautir, hún virtist alvön svona ferðalögum. En hún var þó á hjálpardekkjum.

Fylgdardama býður Íslendingum þjónustu

Athugasemdir

[Guðbjörg drithöfundur Helga,Sigurdórs og Helgu..., 7.8.2008 kl. 20:46]

Guðrún kom við hjá mér áðan og sagði að hún hefði fylgt dömunni heim. Sú stutta stoppaði nokkru sinnum á leiðinni og gæddi sér á gómsæti sem aldrei stóð í henni, en Guðrún fékk ekkert. Daman rataði heim sem var btw í HÓLAHVERFI! Guðrún sagði mömmunni sólarsöguna og sá þær svo í Horninu, líklega að borga frekar en að bæta á... þannig að hún fékk allavega fylgdardömu aðra leiðina .

P.s. sú litla heitir Helga, þannig að þetta uppátæki...eða þessi sjálfsbjargarviðleitni kemur mér ekki á óvart

[Berglind Haf (IP-tala skráð) 7.8.2008 kl. 22:36]

Hæ Helga.

Getur þú sagt mér hvað tréið í garðinum hjá mömmu og pabba heitir sem er með stóru "túttuberjunum" á á haustin?? Mamma gat ekki alveg frætt mig á því!

Kveðja
Berglind

[Helga R. Einarsdóttir, 7.8.2008 kl. 22:49]

Ef þú meinar þetta sem er í horninu við pallinn þá heitir það Úlfareynir og ég skal gefa þér eitt eða tvö ef þú kemur í heimsókn.

Ef það er eitthvað annað þá hef ég misst af að finna það. kv. 

[Rannveig Bjarnfinnsdóttir, 7.8.2008 kl. 23:14]

Þetta kallar maður sjálfsbjargarviðleitni   Ákveðin ung stúlka þarna á ferð.

[Berglind (IP-tala skráð) 8.8.2008 kl. 11:05]

Það er einmitt það!

Ég var að fá eitt sem er búið að vaxa og dafna  í stéttinni á bakvið hjá þeim. Það er farið að sá sér  sjálft!!!

Kveðja

Berglind

[Jórunn Sigurbergsdóttir , 8.8.2008 kl. 19:43]

Dugleg sú litla.

[mýrarljósið (IP-tala skráð) 10.8.2008 kl. 20:43]

Viltu bítta á Úlfareyni og einhverju sem ég á?

 Hún verður einhverntíma góð sú stutta!

[Helga R. Einarsdóttir, 10.8.2008 kl. 21:11]

Þú átt hjá mér úlfareyni - manstekki - í vor.

Þú mátt fá hann þegar þú vilt- stálhraustur í potti bakvið hús. 

kv.