"Hopið" hraðara?

Einhver tilfinning segir mér að hér sé undarlega til orða tekið, ef ekki bara klúðurslega og kolvitlaust. En ég er nú bara ríflega miðaldra kona og þar að auki alin upp í sveit. Fyrst hélt ég að málið snerist um allt annað og að þarna vantaði eitt p, en las svo betur og það reyndist ekki vera. En hvernig hefði þá átt að skrifa fyrirsögnina? "Ísinn hopar hraðar"? Eða -  Enginn ís á Norðurpól! - hafa bangsarnir frétt af suðurpólnum og eru lagðir af stað þangað?

Ís hopar hraðar

Athugasemdir

[Guðrún (IP-tala skráð) 20.6.2008 kl. 21:02]

,,Ís bráðnar hraðar´´ ,, Ís minnkar hraðar´´ Hefði ekki verið hægt að nota þetta?

 Annars er málfar blaðamanna ekki eins og mitt, t.d. dytti mér ekki í hug að veiða þverána Bugðu og þaðan af síður myndi ég veiða Pokafoss. Að sögn 24 stunda voru menn að þessu í gær.

En ég er nú líka alin upp í sveit.

Guðrún