Hér vantar einhvern nokkrar "blaðsíður"

Hvort hér skrifar "nútíma" blaðamaður, eða bílstjórinn var (og er)  eitthvað bilaður veit ég ekki, en fréttin kemur ákaflega undarlega út á prenti.

Dettur einhverjum í hug að keyra yfir Markarfljótið, "Þórsmerkurmegin við gömlu brúna"? Og þegar maður missir fótanna í stórfljóti þá flýtur maður niður fljótið en ekki "niður með því". Ég held að sama eigi við um bíla sem fljóta upp.

Bifreið bjargað úr Markarfljóti

Athugasemdir

[Haraldur Bjarnason, 18.6.2008 kl. 23:55]

Það er greinilega tekið mark á þér Helga. Búið að bæta inn þessum blaðsíðum og endurskrifa fréttina. Segiði svo að þessir "blaðamenn" á mbl.is lesi ekki bloggið.

[Mr;Magoo (IP-tala skráð) 19.6.2008 kl. 00:52]

Áttu nokkuð upprunalegu færsluna frá mbl.is Helga?

þegar ég var að kíkja á þetta var búið að leiðrétta þetta, en ástæðan fyrir því að ég kíkti á svar þitt var fyrirsögnin 

Hér vantar einhvern nokkrar "blaðsíður"

ég hélt að þú ætlaðir að blömmera bílstjórann

en allt í góðu við eigum að blömmera mogga menn ef þeir eru að gera vitleysu samanber þetta 

http://magoo.blog.is/blog/magoo/entry/571046/

[Helga R. Einarsdóttir, 19.6.2008 kl. 07:42]

Ég viðurkenni alveg að fyrirsögnin er ekki góð.

En þetta hefur verið ákaflega undarleg uppákoma eftir því sem fyrst var skrifað. Bíllinn hafði "fests" í ánni, en jafnframt "flogið fleiri hundruð metra niður með henni". 

Það hefur legið eitthvað á að koma þessu á prent. Verst að ekki fylgdu myndir, þær hefði verið gaman að sjá. 

En hvers vegna er verið að keyra yfir ána þarna við brýrnar, og af hverju var farþeginn skilinn eftir á bakkanum? Hég vantar sögu. kv. 

[Helga R. Einarsdóttir, 19.6.2008 kl. 07:45]

"HÉR" VANTAR SÖGU.

[bílstjóri (IP-tala skráð) 19.6.2008 kl. 07:49]

ég var á bílnum, og var ekki að reyna að keyra yfir ána, var að snúa við á meðan félagi minn var að taka myndir, sá ekki kantinn og rann ofaní ána.. ég talaði við fréttamanninn í símanum og sagði honum nákvæmlega hvað kom fyrir.. kannski var hann bara ekkert að hlusta..

[Helga R. Einarsdóttir, 19.6.2008 kl. 08:27]

GÓÐUR! Svona eiga bílstjórar að vera, sem eru nýkomnir af ströngu sundi í Markarfljóti. Og sefur ekki einu sinni út?

Ég er búin að lesa síðustu útgáfu sögunnar, af síðum Moggans í dag. 

Til hamingju með að sleppa lifandi. 

Þú átt einhversstaðar góða að, mundu að hugsa hlýlega til þeirra. kv.

[bílstjóri (IP-tala skráð) 19.6.2008 kl. 08:32]

HAHA! Takk fyrir það, ég þurfti að mæta í vinnu klukkan hálf-sex í morgun, og sá að ég væri orðinn hálf frægur og ákvað að láta í mér heyra þegar fólk var farið að kalla mig vitleysing fyrir eitthvað sem ég gerði ekki.