Samræmdu prófin einu sinni enn

Tvö próf búin, íslenska og enska.

Ég er "yfirsetukona", eins og stundum áður. Mér finnst núna krakkarnir óvenju rólegir og áhyggjulausir í þeim prófum sem búin eru. Stundum hef ég fundið verulega til með þeim af því þau hafa setið þarna með vonleysi í augum, nagandi pennann og átt það eina ráð að fá að fara á klóið. Nú er engan kvíða að sjá og allt er rólegt.   Það er bara ég sem er í samræmdu prófunum árum saman. Alltaf koma nýir tíundubekkingar.   Kannski er þetta óvenju yfirvegaður árgangur? Kannski er ég sjálf orðin rólegri en áður, árleg próf verða að vana. Vonandi gengur okkur öllum vel í náttúrufræðinni á morgun.

Athugasemdir

[Jórunn Sigurbergsdóttir , 1.5.2008 kl. 23:54]

Gott að krökkunum gengur vel.

[Rúnarsdóttir, 2.5.2008 kl. 09:06]

Ég held, mín kæra Helga, að flestir foreldrar og margir kennarar sé búnir að breyta um taktík hvað þessi asnalegu próf varðar, búnir að átta sig á að þau eru tímaskekkja, vita sem er að þau verða aflögð á næstu árum og draga jafnvel markvisst úr mikilvægi þeirra í augum óharðnaðra ungmenna sem hafa ekkert við það að gera að halda að framtíð þeirra standi og falli með útkomunni. Litli stubburinn minn (192 cm og enn að stækka) er í samræmdu núna og við lítum á þau eins og hver önnur próf, mikilvægt að sýna metnað og gera sitt besta en engin taugaáföll takk.

Bið að heilsa í bæinn.

[Helga R. Einarsdóttir, 2.5.2008 kl. 12:52]

OMG!!!!Rúnarsdóttir  - ég var að "eyða þér " í gær. Sorrý. Ekki vagna þess að ég vilji ekki vera vinkona þní, mér bara fannst svo tilgangslaust að hora alltaf á þig án þess að heyra eða sjá nokkurt lífsmark. Við lögum þetta seinna, gaman að fá orð frá þér. kv.

[Rúnarsdóttir, 4.5.2008 kl. 15:37]

Gott þú ert ekki hætt að vera vinkona mín ... ég er meirasegja búin að blogga smá ...

[Helga R. Einarsdóttir, 8.5.2008 kl. 22:03]

Og ég keppti líka í sundi - fyrir nokkrum árum.

Til hamingju með afrekin. kv.