GaGnamaður? á ferð um skaga

Í fyrri frétt var sagt að maðurinn væri týndur á Tröllaskaga, sem er á milli Skagafjarðar og Eyjafjarðar. Alveg með ólíkindum að hann hafi svo komist  gangandi eða ríðandi að Ketu á Skaga, en það er allt annar skagi, sem er á milli Skagafjarðar og Húnaflóa  - held ég??? En þarna var heldur enginn venjulegur gangnamaður á ferð heldur eðal gagnamaður og hlýtur að vera alveg ómetanlegt gagn af því.

Gangnamaðurinn heill á húfi

Athugasemdir

[Sigurður Haraldsson, 12.9.2010 kl. 22:44]

Já hugsanlega en sá sem skrifaði fréttina er með díslexíu eða eitthvað verra því að maðurinn átti að hafa "gengi alla þessa leið" en réttara væri að hann mun hafa gengið alla þessa leið!

[Tinna (IP-tala skráð) 12.9.2010 kl. 22:46]

[Maðurinn, sem var rúmlega fertugur, var með hest sinn í taumi...]

Og ekki verður betur séð en að maðurinn hafi ekki lifað hremmingarnar af. ;)

[assa (IP-tala skráð) 12.9.2010 kl. 22:55]

Hvaða gögn ætli maðurinn hafi verið með á sér þegar hann týndist? Og hann fannst um klukkan 22.00. Þó hafði hann áður skilað sér á nafngreindan bæ á Skaga. Ætli enginn hafi verið heima þar og björgunarmenn bara rambað á hann þar rétt si svona :) En þetta er nú útúrdúr, auðvitað er fyrir mestu að maðurinn er kominn fram heill á húfi.

[Kjartan (IP-tala skráð) 12.9.2010 kl. 23:12]

Tinna, myndin er frá æfingu það stendur undir myndinni

[Tinna (IP-tala skráð) 12.9.2010 kl. 23:18]

Athugasemdin mín varðaði orðalagið "var". Var maðurinn rúmlega fertugur, eða er hann það?

[Sigurður Haraldsson, 12.9.2010 kl. 23:41]

Tinna það er rétt hjá þér með "var" því miður er fréttin öll meira og minna illa skrifuð og staffærð svona er þetta bara hjá mbl og fyrir vikið þá skammast maður sín ekkert fyrir að blogga smá vitlaust annað slagið.