"inntöku lausnarinnar"?

Hvers konar talsmáti er þetta eiginlega og hvað er verið að tala um? Kraftaverkalausn í flösku - lausn á hverju?

MMS-lausnin skaðleg öfugt við lýsingar

Athugasemdir

[Dansig (IP-tala skráð) 12.1.2010 kl. 19:19]

orðið lausn getur einnig átt við um vökva sem eitthvað hefur verið leyst upp í, s.s saltvatn.

[Helga R. Einarsdóttir, 12.1.2010 kl. 20:15]

Þá hélt ég að talað væri um "upplausn", en kannski "stíg ég ekki í vitið" í þessum efnum og lausnum. Hef alla vega enga lausn á málinu svona í fljótheitum :-(

[Guðrún (IP-tala skráð) 12.1.2010 kl. 20:25]

Það eina sem ég get sagt er rannsakið sjálf og ekki trúa 100% fjölmiðlum né stjórnvöldum.  Er ekki svínaflensan fullkomið dæmi?

Hér er viðtal við lækni sem er að tala um þetta MMS.

http://www.youtube.com/watch?v=Sd7R8_Z0pek

Hvernig væri að tala við þennan Jim Humble og fá sanngjarna og tvíhliða umfjöllun um málið.

[Arnór Baldvinsson, 12.1.2010 kl. 21:03]

Sæl Helga,

Efnafræðimál.  Lausn er það þegar fast efni er leyst upp í fljótandi efni.  Kaffi með sykri í er lausn og örugglega betri bæði á bragðið og fyrir heilsuna heldur en þetta dót;)

Kveðja,

[Finnbogi (IP-tala skráð) 12.1.2010 kl. 23:27]

Natríum klórít er meðalsterkur oxari sem notaður er til að bleikja pappír og tau. Hann er heldur virkari en bleikiklór (natríum hýpóklórít) og þar að auki er þessi lausn (28%) sterkari en klórlausnin (15%) svo af tvennu illu myndi ég frekar þræla bleikiklór í mig en þessari svokölluðu kraftaverkalausn. Hvorugt ráðlegg ég þó nokkrum manni - það er álíka skynsamlegt og að taka rottueitur til að vinna bug á hálsbólgu.