Hver getur tuktað þetta lið?

Hver er sá sem getur sagt þessu þingmanna og kvenna liði að skammast sín og hætta þessu karpi og hrokafullu yfirlýsingum? Sagt þeim að sameinast um að reyna að koma landinu á réttan kjöl og geyma eiginhagsmunapotið til betri tíma- víst engin von til að þau geti sleppt því.
Er það hlutverk forsetans- og er þá einhver von til að þau taki mark á honum?
Það vita allir best í þessu landi- sveiattan!

Segir ríkisstjórn á brauðfótum

Jahhá - virðist svo?

Einkennilega til orða tekið. Það litur sem sagt út fyrir að bílnum hafi verið ekið útá ísinn, ef ekki hvernig fór hann þá eiginlega að þessu? Ég veit það - smámunasemi og nöldur. Mér finnst þetta nú samt svona meira eins og ábending um að vanda aðeins betur skrifaðan texta.

Bíll niður um ís á Rauðavatni

Hva! Stieg Larsson skrifar 6-700 bls.

Það ætti nú ekki að vera lengi gert að spæna þetta í sig, sérlega þegar svo spennandi efni er á síðunum 500.
Því ekki á ég von á öðru en þetta lesefni jafnist á við aðra reyfara sem okkur hefur verið boðið uppá síðustu misserin.
Bara velja bunkanum nafn sem byggir upp viðeigandu spennu, þá rótast þau í gegnum þetta um helgina. Ég bara finn ekkert almennilegt nafn - hux hux - "Tími tætaranna"? eða "Drengirnir sem léku sér að landanum"? "Ég gerði ekki neitt - það var amma"?
Æææjji - ég veit það ekki?

Skýrslunni enn frestað

Nú dansar enginn með sveiflu nema í dansskólanum

Ég hef bara einu sinni komið í Sjallann, en þar fannst mér gaman. Svona alvöru ballstaður eins og Glaumbær í gamla daga, Þórskaffi og Röðull. Ég tala nú ekki um félagsheimilin um allar sveitir. Nú er ekki lengur þörf á rúmu dansgólfi á svona stöðum, það dansar enginn með sveiflu nema gamla fólkið. Flestir sitja við bar eða borð og hengja hausinn ofaní bjórglasið- það heitir núna að "vera á tónleikum". Böllin eru liðin tíð.

Alvarleg brot á brunavörnum

Gamla Blómaval

Það hefði kannski mátt gera tilraun með eitthvað svona í gömlu Blómavalshúsunum við Sigtún, kosta litlu til  og kanna áhuga fólks. En hér er greinilega verið að fara af stað með svolítið hæpið ævintýri.

Pláss til leigu í gróðurhúsi

Var ekki þessi sjóður "týndur"?

Aldeilis gott að þessir peningar séu komnir þangað sem veruleg þörf er fyrir þá.

Kannski er ég að rugla en mér finnst ég hafa heyrt einhversstaðar að Sonjusjóður væri ekki lengur til? Eða var þar önnur Sonja á ferð? 

Gaf kvennadeild 30.000 dollara

Gott framtak Brynju

Flott hjá þér Brynja og allir fylgifiskar. Þessar nefndir geta varla verið heilagar, þar situr fólk sem studdi frambjóðendur í síðustu bæjarstjórnarkosningum - líklega aðallega þá sem komust svo í meirihluta. "Sérfræðinga" held ég sé ofrausn að kalla það fólk, frekar bara stuðningsmenn sem fá borgað í peningum fyrir að sitja á einstaka fundi og bara vel borgað grunar mig.  Þetta geta allir gert, líka þeir sem hafa hingað til haft vit á að forðast pólitíkina. Áfram bara - standið ykkur.

Íbúar Álftaness búnir að fá nóg

Hjááálp! Hvar get ég orðið bæjarstjóri?

Málið snýst um orðin  kaupstað og bæ. Að uppfylltum ákveðnum skilyrðum og íbúafjölda getur sveitarfélag fengið nafnbótina kaupstaður - samþykkt?  Hugsum okkur til dæmis Selfosskaupstað hinn forna, þar og síðan í Árborgarklúðrinu er ráðinn bæjarstjóri. Hella eða Rang. vest. hins vegar hefur vegna færri íbúa látið duga að ráða sér sveitarstjóra.  Er ég á réttri leið? Spurningin er eiginlega um þetta "bæjar"? Er kaupstaður sjálfkrafa bær og þar þá ráðinn bæjarstjóri. Á ég heima í Árborgarkaupstað eða bara Árporgarbæ? kannski bara Árbæ? Er ég kannski í Selfosskaupstað í Sveitarfélaginu Árborg? Þá er Stokkseyri þorp í útjaðri Árborgar? Þetta er mikið hitamál í húsi hér skammt frá og þar sem ég gat ekki gefið skýr svör leita ég ráða hérna. Svar óskast- helst fyrir háttatíma, annars gæti illa farið.

Merkilegt hvað fólk er fljótt að gleyma

Mér finnst alveg ótrúlegt hvað fullorðið fólk- þá meina ég líka þá sem ekki eru endilega komnir yfir fertugt, er fljótt að gleyma. " Unglingar" eru þessu fólki einsog einnhver óþekkt stærð og eins og hálfgerð skömm sé að því að þekkja þeirra þankagang. Við vorum öll unglingar fyrir fáum árum og eigum ekki að skammast okkar fyrir að muna það.

Vilja forða nemendum frá fíkniefnaneyslu

Þeir hafa vit fyrir okkur

Við höfum engin efni á þessu eilífa flakki og flækingi, en það er nokkuð sem Össur lokar augunum fyrir.
Nær að vera bara hér heima og horfast í augu við vandamálin.
Gott að einhver tekur í taumana.

Íslandi og Inúítum úthýst