Já - mér fannst eitthvað öðruvísi en áður

Ég fór í Hveragerði til að horfa á flugeldasýninguna eins og undanfarin ár.

Sýningin var glæsileg og þarna njóta bomburnar sín alveg einstaklega vel með áhrifamiklu bergmáli frá klettunum í kring. Þetta var allt eins og fyrr.

En svo þegar við ókum niður brekkuna og í gegnum bæinn var eitthvað öðruvísi.

Ég sá lítið af fullorðna fólkinu sem leiddi heim börnin sín eftir vel heppnaðan dag. Kannski var það farið fyrr, það var ansi kalt.

Í stað þess var troðið á götum og gangstígum af unglingum sem höfðu sumir hátt. Hvers vegna þau höfðu hátt veit ég ekki - kannski var bara hrollur í þeim. 

Flúði frá lögreglu út á veg

Athugasemdir

[Gunnar Þórbergur Harðarson (IP-tala skráð) 1.9.2009 kl. 02:33]

Einmitt út af því að engir leiddust heim, eftir velheppnaða flugeldasýningu, að eitthverjum tveim lenti saman með eftirfarandi afleiðingum.... hahah ertu að grínast.

Fannstu þig knúna að commenta fréttina út frá þessari upplifun þinni. Eins og háværir unglingar séu fyrst núna að ryðja sér sess hérlendis og foreldrarnir hættir að leiða þá.

Þú með þetta ofur innsæi ættir að fara á þjóðhátíð í eyjum en þar er einmitt ástæða fyrir því að unglingarnir leiði ekki foreldrana heim. Því annað eins Fjölskyldusukk hef ég aldrey upplifað. Margt fjölskyldufólk engu skárri en unglingarnir.

Ég sem hvergerðingur get svo sem játað það að nú var mikið af aðkomufólki, þar af unglingar. En þessi mynd sem þú dregur upp af háfaðasömum ungmennum sem einginn vill leiða, og eitthverjum tveim sem gipu til ofbeldis með fyrgreindum afleiðingum ætti ekki að vera undur þar sem margmenni er samankomið.

Með þessu commenti vildi ég bara benda á að blogg sem þetta er óþarfi og neikvætt í garð vel heppnaðar hátíðar. Hafðuru hinsvegar orðið vitni af slagsmálum væri annað upp á teningnum.

[Sigurður Hreiðar, 1.9.2009 kl. 16:40]

Skapstyggur þessi nágranni þinn í Hveragerði!

Við hér í Mosó fórum að varðeldi og Brekkusöng í Ullanessbrekkum á föstudagskvöldið og hálfgert flosnuðum þaðan upp vegna hávaðasamra unglinga. Það voru sosum engin læti í þeim og því síður slagsmál, bara þessi endemi hávaði.

Kannski verður maður bara svona næmur fyrir hávaða með aldrinum. Það er tam. nær ófarandi í bíó nú til dags vegna þess hve kynningarstúfarnir sem koma gjarnan á undan myndinni eru stilltir á yfirgengilegan hávaða.

Kv. í bæinn

[Helga R. Einarsdóttir, 1.9.2009 kl. 20:41]

Æææææji - ég fyrirgef honum það alveg. Ætli honum hafi ekki orðið kalt um helgina. Hins vegar finnst mér hann alltof upptekinn af slagsmálum og ofbeldi - ekki varð ég vör við neitt svoleiðis á minni ferð. kv.