Dansað í jólafrí

Í dag var generalprufa fyrir danssýninguna stóru sem verður á morgun. Oftar en ekki fara allar svona prufur í skólanum þannig fram að enginn sér nokkra von til að sýning geti tekist sæmilega. Það var eins í dag, þau eiga að vera búin að læra öll sporin og þetta er skemmtilega skipulögð sýning. En þegar svona margir krakkar koma saman í íþróttahúsinu (svona 300) þá fara þau algerlega í flækju og taka ekki eftir nokkrum fyrirmælum. Við getum lítið gert annað en að reyna að halda rónni og biðja þess í hljóði að betur takist til á morgun.
Það verður fullt hús, allir foreldrar boðnir og reyndar bara allir sem hafa gaman af að horfa á marga krakka í einu.
Við höfum líka gaman af þessu, einhvernvegin endar alltaf allt vel. Svo eru bara litlu jólin eftir, seinni partinn á morgun hjá þeim eldri en á miðvikudag í yngri bekkjunum. Svo erum við komin í jólafrí!

Athugasemdir

[Josiha, 18.12.2006 kl. 22:22]

Tu tu á morgun.

[Guðbjörg drithöfundur Helga,Sigurdórs og Helgu..., 19.12.2006 kl. 00:16]

Ooohhh þessar sýningar eru æðislegar!

Ég hef nú aldrei tekið eftir flækjum á frumsýningu,kannski smá óðagoti en er annað hægt með þennan fjölda?við JKL mætum að sjálfsögðu, ÍBL á að dansa djæf .

[Guðbjörg drithöfundur Helga,Sigurdórs og Helgu..., 19.12.2006 kl. 16:09]

Frábær sýning,sérstaklega þegar amman tók sig til og tjúttaði eins og 15 ára unglingur...mér sýndist hún eiga í mesta basli að hemja sig

[Helga R. Einarsdóttir, 19.12.2006 kl. 16:31]

Þetta heitir ekki "tjútt" dóttir góð. Það var í "twistinu" sem ég missti mig aðeins. En það var líka vegna þess að ég var að reyna að hafa áhrif á félaga mína, þeir voru ekki beint dansglaðir.

En sýningin tókst vel og var gaman eins og alltaf. Ég fæ alltaf svolitla gæsahúð í svona viðburðum.