Þær þurfa að fá frið til að ná heilsu

Hvers konar átroðningur er þetta? Að ónáða fárveikar mæðgur með blaðaviðtali?

Fjölmiðlafólk á Íslandi slær öllu við. 

Mæðgur fárveikar af svínaflensu

Athugasemdir

[Brynja Dögg Ívarsdóttir, 15.7.2009 kl. 20:47]

Sammála þér, vona að þær nái sér af þessu, en átroðningur blaðamanna getur verið hræðilegur, jafnvel þó að maður sé hress en enn verri ef fólk er veikt.

Hafðu það gott kv brynja

[Eiríkur Sjóberg, 15.7.2009 kl. 21:21]

Já Helga.  Ætli það sé nú ekki lóðið!

Auðvitað væri það svakalegt ef flensan breyttist í einhvern faraldur líkan spænsku veikinni.  En mér finnst nú sumt fólk fremur hysterískt varðandi hina svínslegu flensu.  Þ.e., mér þykir tilefnið ekki enn vera slíkt...

[Valsól (IP-tala skráð) 16.7.2009 kl. 09:50]

Ef hálf þjóðin fær flensuna í haust eins og landlæknir segir, þá lamast allt samfélagið og heilbrigðiskerfið verður ekki í stakk búið til að sinna sjúkum. Miðað við þetta munu deyja allt að 300 manns í haust. Upplífgandi að ekki voru keypt flensulyf nema fyrir helminginn, verst að heilbrigðisyfirvöld vita ekki hvaða helming þau eiga að gefa lyfið. Yfirlæknir sóttvarna svaraði fréttamanni sjónvarpsins í gær engu um það hvaða hópar það væru sem væru áhættuhópar, manneskjan vissi það ekki. Samt sagði hún´áður en hún var spurð að lyfið yrði gefið áhættuhópum. Hvernig á þá að velja í þennan helming? Þetta er bara fáránlegt rugl að vera spara peninga með þessum hætti. Börn eru að deyja úr þessum fjanda, síðast sex ára gömul stúlka í Bretlandi.

[Eiríkur Sjóberg, 16.7.2009 kl. 16:18]

Til eru lyf fyrir helming þjóðarinnar.  Búist er við því að helmingur þjóðarinnar veikist.  Sem sé, til eru lyf fyrir alla þá sem kunna að veikjast í haust!  Nú er ég að meina lyf fyrir þá sem þegar verða komnir með einkenni.

Aðra sögu er að segja um bóluefnin.  Þau virðast líka verða til fyrir helming þjóðarinnar.  Spurning hvernig valið verður í það.  Áhættuhópar hljóta að vera heilbrigðisstarfsmenn t.d. og aðrir slíkir hópar.

Ég held nú að yfirvöld hér séu að fara faglega að hlutunum.  Og hef enga ástæðu til að ætla annað.

Rétt er að stór hópur fólks getur orðið veikur í haust.  Þá þarf að flokka fólk eftir alvarleika veikindanna o.sfrv.  Lang flestir sem veikst hafa hingað til hafa fengið væg einkenni.  Algjör óþarfi er að láta slíkt fólk á lyfjameðferð. 

Í raun verður ekki komið í veg fyrir útbreiðslu sjúkdómsins.  Það er nú bara sá veruleiki sem við blasir.

[Jórunn Sigurbergsdóttir , 16.7.2009 kl. 21:21]

já allveg rétt. kveðja til þín.