Fróðlegt væri að vita

Hvar stúlkukidin er núna?  Væntanlega einhversstaðar á Íslandi að bardúsa í búi með piltinum.

Kastljós sýknað

Athugasemdir

[Sigurður Þorsteinsson, 28.5.2009 kl. 17:33]

Skemmtileg hnýsni. Þú ættir bara að taka upp símann og slá á þráðinn til Jóínu ef þetta liggur djúpt í sálarlífinu. Einhvers staðar kom fram í fjölmiðlum að þau ætluðu sér í nám erlendis og vona ég að þeim gangi þar allt í haginn. Var ekki viss um hvernig ég ætti að ávarpa þig, en þar sem þú ávarpar stúlkuna sem stúlkukind, vilt þú örugglega vera ávörpuð með sambærilegri virðingu. Ég læt það ekki eftir mér.

Það er örugglega erfitt fyrir unga stúlku að kynnast landi og þjóð á þann hátt sem þessi stúlka þurfti að upplifa. Finnst að við ættum að frekar að hlúa að ungu fólki, en að nýta okkur það í pólitískum hanaslag.

[Guðni (IP-tala skráð) 28.5.2009 kl. 17:43]

Ég er nú mjög ósammála þér Sigurður-fer að halda þetta snerti fólk þér tengdu. Þetta snertir breiðan hóp manna-sérstaklega þá sem koma utan EES svæðis. Þar eru margir einstaklingar sem hafa þurft að sýna biðlund og fara í biðröð eftir sínu atvinnu-/dvalarleyfi.  Hér var tekið á málum og eitt einstaklingsmál fékk óvenjulega afgreiðslu-ef allir aðrir fengju svipað tekið á málum sínum þá hefði verið búið að bjarga öllum heimilum á Íslandi. Hann hefði nú einfaldlega geta gert það sem sumir hafa því miður fundið sig tilknúna til að gera-fara í hjónaband-þau hefðu forðast alla umfjöllun þannig-og ódýrara sennilega fyrir þjóðfélagið. Persónulega er mér ekkert í nöp við fólkið-bara þá sem gerðu þetta mögulegt-að þeim ætti kastljósið að beinast. Þeir setja strangar reglur sem allir verða að uppfylla-og það er það sem þjóðfélagið byggir að miklu leiti-allir útlendingar eru jafnir-jafnvel fókk utan EES hvort sem það er í sambandi við tengdason Jónínu eður ei! PS. Og það safnaði enginn undirskriftum fyrir hana-enda var konan ekki í vinnu að mér skilst-nei þeir fóru 'bakdyramegin'

[Forvitin líka (IP-tala skráð) 28.5.2009 kl. 17:49]

"þurfti að upplifa" ??? æ æ greyið hún, hún hafði það samt betra á þessum tíma heldur en flestir aðrir íslendingar og hún varð nú reyndar uppvís að því að reyna að notfæra sér aðstæður og aðila til að fá eitthvað sem hún átti alls ekki skilið. Ísland hafði ekkert við þessa stúlkukind að gera, en hún fékk samt það sem hún vildi, sem var aðallega að komast í nám erlendis eftir sem auðveldustum leiðum og að geta fengið íslenskan námsmannastuðning til þess. Ég tek undir með bloggaranum um að það væri gaman að vita hvar hún er nú. Hvaða brall eru þessi óforskömmuðu skötuhjú með í pokahorninu sínu? Vill Lucia eitthvað meira? Eða er hún kannski búin að fatta að það var algjörlega óafsakanlegt af þeim Bjartmars-hjúum að fara í mál til að fá risastórar fébætur fyrir þann eðlilega hlut að fjallað hafi verið um þá kostulegu málsmeðferð sem ríkisborgararéttarumsókn hennar fékk? Það var líka rangt af henni að fara fram á að fá ríkisborgararétt, hún hefur alveg vitað að hún átti ekki rétt á honum og að hún væri hugsanlega að ræna tækifæri af einhverjum sem hafði unnið sér inn þennan rétt og þurfti raunverulega á honum að halda, fyrir annað en bara þægindi við millilandaflutning og skólastyrki. Mér finnst nauðsynlegt að mótmæla þegar fólk heldur að það geti bara breytt reglum fyrir sig og sína eða reynir að taka hluti af öðrum sem það þarf ekki sjálft. Það er bara siðlaus hegðun og ekkert annað. Lucia smellpassar semsagt inní íslenska systemið, hún verður örugglega gerð að ráðherra einn daginn - henni er semsegt engin vorkunn þótt fólk almennt sé hneykslað á hegðun hennar.

[Guðni (IP-tala skráð) 28.5.2009 kl. 18:11]

Vel sagt 'Forvitin'.

[Arnar (IP-tala skráð) 28.5.2009 kl. 18:37]

Hjartanlega sammála "Forvitin líka". Ég veit eiginlega ekki hvort mér finnst asnalegra að hafa farið í þessa málssókn við Kastljósið eða að hafa látið tengdó redda fyrir sig ríkisborgararétti. Þau vildu fá samtals 3.500.000kr í bætur vegna þess skaða sem þau urðu fyrir vegna þessarar umfjöllunar.

Ég held að þú Sigurður Þorsteinsson, moggabloggari, ætti að skoða hvað flóttamenn sem koma til landsins þurfa að upplifa. Eini munurinn á þeim og henni er að þeir eru ekki alveg jafn vel tengdir inní hinn gjörspillta stjórnmála heim Íslendinga. Það er þó nóg til að geta ekki einu sinni fengið landvistarleyfi og vera sendir í lögreglufylgd úr landi eins og glæpamenn.

Ef hún hefði "þurft að upplifa" það, það þætti mér sanngjarnara að borga henni 2.500.000kr í skaðabætur. Kærasti hennar ætti aftur á móti að skammast sín fyrir að vera svona mikill aumingi að fara í mál vegna fjölmiðlaumfjöllunar. Sem ég er reyndar nokkuð viss um að hann gerir núna.

[Helga R. Einarsdóttir, 28.5.2009 kl. 19:00]

Ég bara spurði si svona

[Anna Dóra Gunnarsdóttir, 28.5.2009 kl. 19:13]

Lucia litla þurfti ekki annað en eignast rétta kærastann á meðan illa staddir hælisleitendur grípa sumir til örþrifaráða til þess eins að lifa af

[Sigurður Hreiðar, 28.5.2009 kl. 23:23]

Já, frænka góð, gaman að sjá að þú ert komin með líf í puttana á ný -- og lendir þá í villikattabæli með þessari saklausu bloggklausu þinni.

kv. í bæinn

[Burkni (IP-tala skráð) 29.5.2009 kl. 22:28]

Sæl Helga.

Það er skondið að sjá viðbrögðin við stuttri og sakleysislegri spurningu. Það er merkilegt að hafa stefnt Kastljósi fyrir þessa umfjöllun, eins og nokkrir hafa bent á hér var í raun ekki gætt jafnræðis þar sem hún var tekin framfyrir marga sem hafa leitað hér hælis.

Bestu kveðjur til þín og þinna Helga.