Er það ekki bara allt í lagi?

Eins og fréttir í ljósvakamiðlum eru þessa dagana væri kannski bara allt í lagi að sleppa þeim? "Allt vont, ekkert gott", eins og maðurinn sagði, en það var nú reyndar um það sem á boðstólum var þegar hann mætti að matarborði.

Barlómur, svartsýni, vol og væl, það er fátt annað í boði og ég held að við landsbyggðarfólk myndum bara lifa jafngóðu lífi þó við bjástruðum við vandamálin í friði. 

Og úr því ég er byrjuð, í gær var verið að velta sér uppúr þjálfara og dómaravandamálum í sjónvarpinu, og þáttur fréttamanna kom til tals.  Það er alveg rétt, þeirra sök er nokkuð mikil. Þeir yrða helst ekki á nokkurn mann án þess að leita eftir leiðindum og eru allra áhugasamastir ef árekstrar hafa orðið. Það er nú bara þannig og væri nær að reyna að sjá ljósið í myrkrinu og gera gott úr málinu, en ekki eilíflega egna til frekari ýfinga.

Og hana nú! 

Landsbyggðarfréttum fækkar hjá Ríkisútvarpinu