Það gerðist líka á Íslandi

 Það erörugglega ekkert óvenjulegt að gleyma einum og einum krakka hér og þar.

Einu sinni, fyrir tíma farsímanna, gleymdist stúlkubarn í Fossnesti. Hún var reyndar komin það á legg að við þurftum hvorki að gefa henni pela eða skipta á henni. Það eina sem  hægt var að gera var að halda henni uppi á snakki og dæla í hana sætindum og gosi og óska þess svo að foreldrarnir uppgötvuðu tjónið áður en komið væri á Klaustur.  

Þau voru komin að Seljalandsfossi þegar upp komst. Greyin urðu að snúa við og leita í öllum sjoppum sem þau höfðu komið í á leiðinni, og fundu hana loks í góðu yfirlæti hjá okkur. Mig minnir að þau hafi gleymt að þakka fyrir allt nammið. 

Gleymdu barninu á flugvellinum

Athugasemdir

[Jórunn Sigurbergsdóttir , 13.5.2008 kl. 20:39]

Það hefur nú verið uppi fótur og fit þegar fjölskyldan áttaði sig á þessu.

[Ása Ninna Katrínardóttir (IP-tala skráð) 13.5.2008 kl. 22:32]

Minnir mig á söguna af því þegar Guðfinna frænka gleymdist...

[Josiha, 13.5.2008 kl. 22:43]

OMG!

[Halla Rut , 13.5.2008 kl. 22:54]

Þekki einmitt einn sem gleymdi konunni sinni í Staðarskála en hún var sofandi afturí þegar hann lagði að. Hann fór inn og hún stuttu seinna. Hann fór svo inní bíl og ók af stað. Hann fattaði konumissinn hálfa leið á afleggjaranum að Sauðarkrók en þá kom frændi konunnar blikkandi á móti honum. Hún hafði hringt í ættingja og sagt þeim frá áhugaleysi kærastans.

Trúið mér það var sagt frá þessu í brúðkaupi þeirra ári seinna. 

[mýrarljósið (IP-tala skráð) 15.5.2008 kl. 13:42]

Það gerðist ýmislegt í Fossnesti.