Orðasmíði í Kastljósi?

Á hverjum dagi heyrir maður og sér einhverja snilldartakta hjá fjölmiðlafólkinu.       Stjörnu dagsins í dag fær Helgi Seljan fréttamaður.    Ég held nefnilega, og er eiginlega viss um, að hann sagði dálítið skrýtið í Kastljósinu í kvöld. Ég hlustaði á það tvisvar.

Hann var að tala við tvo einstaklinga um eitt og annað sem gerðist í vikunni og þar á meðal vandamálin í umferðinni. Hann talaði um aðgerðir eða aðgerðaleysi ráðherra og minntist þess að núverandi ráðherra hefði haft ákvenar skoðanir á málum fyrir ári síðan en nú væri hljóðið í honum allt annað. "Það er komið allt annað hljóð í skrokkinn", sagði Helgi?    Er það ekki eitthvert snilldarlegt nýyrði,  "skrokkinn"? Ég hef alltaf heyrt talað um, og séð fyrir mér, "strokk" í þessu sambandi.  En kannski er talað svona fyrir austan, hvað veit ég?

Athugasemdir

[Þórbergur Torfason, 11.4.2008 kl. 22:10]

Þetta minnir mig á ummæli sem Reynir Traustason hafði í morgunútvarpi Bylgjunnar.

"Samfylkingin er eins og heilalaust kjötflykki í stjórnarsamstarfinu."

[Josiha, 11.4.2008 kl. 22:50]

Hey! Ég segi líka alltaf "skrokkinn". Gummi er alltaf að leiðrétta mig. Suss! Mér finnst það bara meika fullkomlega sens að segja skrokkinn. Skrokkur = líkami. Stundum kemur annað hljóð í mann - maður skiptir um skoðun. Mér finnst þetta með strokkinn bara bull

[Helga R. Einarsdóttir, 11.4.2008 kl. 23:24]

Líklega áttu framtíðina fyrir þér í fréttamennskunni Jóhanna. kv.

[Guðbjörg drithöfundur Helga,Sigurdórs og Helgu..., 12.4.2008 kl. 00:33]

Hey! Uss Jóhanna...þú varst greinilega ekki uppi á þeim tíma þegar annað hljóð kom í strokkinn.... ekki ég heldur.

[Ása Ninna Katrínardóttir (IP-tala skráð) 12.4.2008 kl. 13:36]

Er rangt að segja skrokkinn? Ég hef alltaf sagt það!

[Helga R. Einarsdóttir, 12.4.2008 kl. 22:28]

OMG! Það er til nokkurs að berjast - "þegar öllu er á botninn (eða er það pottinn?) hvolft" eruð það þið sem erfið landið

[mýrarljósið (IP-tala skráð) 13.4.2008 kl. 14:12]

Ég held að stelpurnar séu heyrnarbrenglaðar!

[mýrarljósið (IP-tala skráð) 13.4.2008 kl. 14:20]

"Botninn",  og svo er ýmislegt í pottinn búið eins og við vitum.

Fórstu ekki að hlæja þegar þú leist út í morgunn? 

[Helga R. Einarsdóttir, 13.4.2008 kl. 14:30]

Nei ljósið mitt, eiginlega ekki. En hugsaði þó með mér að bráðnun væri skammt undan. Nú er ég hins vegar gráti nær, það hleður niður og engin von um annað - fyrr en á þriðjudag þó. kv.