Ég "hendi" grjóti hér inn

Eins og það er nú líka ljótt. Í mínum uppvexti var reyndar fátt verra en að kasta grjóti, enda varla von á öðru þar sem ég var að nokkru leyti alin upp í gróðurhúsi.

En hér birtist GRJÓTIÐ mitt. Ég veit vel að ég hefði getað verið frumlegri, en þetta grjót er búið að veltast hér um húsið í mörg ár án þess að finna sér tilgang. Rétt að nota það og sjá svo hvað þið hafið fram að færa. Fyrir kvöld þess 19 eigið þið að skila mynd hér inn eða senda mér í pósti. Öllum velkomið að vera með, dómari segir svo sitt álit og verðlaunin eru að velja næsta þema. Svo einfalt er það nú. 

Athugasemdir

[Jórunn Sigurbergsdóttir , 11.4.2008 kl. 10:48]

Vá þetta er nú fallegt. Allt grjótið hennar mömmu úr Langagerði er nú farið. vinkona mín fékk nú dálítið. vildi að ég hefði nú einhverntíman myndað það. Gott að vera vitur eftir á.

[Olga (IP-tala skráð) 11.4.2008 kl. 11:31]

Ég hef nú alltaf verið veik fyrir grjóti.

[Rannveig Bjarnfinnsdóttir, 12.4.2008 kl. 12:41]

Hæ hæ.  Hér kemur mitt framlag í keppninni.  Afar frumlegt ég veit

Kv. R

[Helga R. Einarsdóttir, 12.4.2008 kl. 22:29]

Góð Rannveig, lætur ekki bíða eftir þér. Ég sé hvar þú hefur komið, ég var þar líka - margoft. Góða helgi.

[mýrarljósið (IP-tala skráð) 13.4.2008 kl. 15:07]

Ég var að hugsa, eru steinar og grjót það sama?

[Helga R. Einarsdóttir, 13.4.2008 kl. 15:52]

Já ljósið, það er alveg það sama, meira að sgja "steinsteypa" getur verið grjót. Það kom ein fyrirspurn um "Stein" sem er mannsnafn og mér hefði fundist það allt í lagi líka, var meira að segja farin að pæla hvernig ég gæti misnotað nágrannann í keppninni. En á mynd er voðalega erfitt að sjá að manneskjan heiti Steinn, svona fyrir ókunnuga. kv.

[mýrarljósið (IP-tala skráð) 13.4.2008 kl. 19:41]

Takk fyrir.

[Guðbjörg drithöfundur Helga,Sigurdórs og Helgu..., 14.4.2008 kl. 11:55]

Hendi þessu grjóti hér, úr fjörunni...steinsteypa:

[Helga R. Einarsdóttir, 19.4.2008 kl. 01:15]

Fyrir Mýrarljósið:

[Helga R. Einarsdóttir, 19.4.2008 kl. 10:37]

Þessi steinn frá Mýrarljósinu heitir " Arðskjálftasteinn", hvað sem það nú þýðir?

[Helga R. Einarsdóttir, 19.4.2008 kl. 20:47]

Fyrir Kristínu Gunnars:

[Mýrarljósið (IP-tala skráð) 19.4.2008 kl. 22:13]

"Jarðskjálftasteinn", það er saga á bak við þennan stein.

Tók hann á leið innan frá  Emstrum 17. júní 2000 og það var eins og við manninn mælt, sá stóri kom nokkrum mínútum síðar.  Steininum var ætlaður staður í garðinum mínum og þar hefur hann verið til friðs síðan.

[Rannveig Bjarnfinnsdóttir, 20.4.2008 kl. 19:56]

Langaði að henda inn annarri mynd af grjóti.  Er það nokkuð bannað?  Þetta grjót er frá Snæfellsnesi í fyrra sumar.  Hér er það baðað íslensku Flóavatni sem kemur frá Hurðarbaki

[Helga R. Einarsdóttir, 20.4.2008 kl. 20:09]

ÞÚ komst svo seint inn Rannveig að þér er velkomið að mæta með "dúett" í þetta sinn.

Dómarinn er líka örugglega einhversstaðar í útlöndum, hann hefur ekki sýnt sig enn.

[Rannveig Bjarnfinnsdóttir, 21.4.2008 kl. 08:32]

Ó ég hélt að skiladagurinn væri næsta sunnudag, þ.e. 27.apríl.  Veit ekki hvar í ósköpunum ég hef þá dagsetningu

[Dómarinn (IP-tala skráð) 22.4.2008 kl. 21:29]

Þetta er aldeilis fínt úrval af grjóti.  Ég bjóst að vísu við meiri hugmyndaauðgi þegar kæmi að útfærslu hafandi það í huga að keppendur fengu enn meiri tíma til að ígrunda listaverkið.  Þegar öllu er á botninn hvolft standa tvær myndir uppúr,  annarsvegar tvíhyggjan í manngerða grjótinu hennar Jórunnar og hinsvegar grjótmynd Guðbjargar sem vísar í söguleg not grjótsins sem festu í  mannlegu samlífi frá steinöld, en er nú í þann veginn að rakna upp eins og gamall spotti í efnishyggju nútímans.  Þegar litið er á heildina er sigurvegarinn Guðbjörg.

[Helga R. Einarsdóttir, 22.4.2008 kl. 22:15]

Jæja - svona fór það. Ég held að við ættum að "leggja upp laupana" í bili og leyfa Guðbjörgu að hugsa lengi hvað hún vill að við gerum næst. Við höfum svo margt annað um að hugsa á næstunni, alla vega vona ég það, við erum ekki lengur undir snjóafargi.

Til hamingju Guðbjörg, hvað segir þú um að næsti skiladagur verði 23. sept? Þú lætur vita með einhverjum fyrirvara hvað við eigum að gera. kv. 

[mýrarljósið (IP-tala skráð) 24.4.2008 kl. 12:02]

Til lukku, þetta er flottasta myndin, sammála dómaranum.  2.okt er líka góður skiladagur.