Það getur bara lagast

30.3.2008 | 19:52

Stundum dettur mér í hug hvort veðurfarslegt þunglyndi sé til? Ef ég mögulega gæti verið einhvernvegin þunglynd þá væri það helst útaf veðri. Það hefur bara aldrei á ævi minni reynt á þetta fyrr, alla vega man ég ekki eftir svona langleiðinlegu veðri.

Ég segi og skrifa - það hefur komið einn einasti dagur síðan í ágústlok svo veðrið væri þannig að mann langaði til að fara út. Þá meina ég út undir bert loft , fótgangandi. Það var fimmtudagurinn 21 febrúar. Þetta er ekki eðlilegur andskoti - og nú skrifaði ég ljótara orð en maður á að gera og segi bara "skítt með það". Svona getur leiðindaveðrið farið með mann, meðfædd og vel varðveitt sómatilfinning farin út í veður og vind.Vonandi fer þetta að skána bráðum þó við sjáum það ekki í kortunum í dag - það getur ekki annað en lagast.

Flokkur: Dægurmál | Facebook

Athugasemdir

Djöfull er ég sammála þér Helga Já líka ljótt orð ég veit En nú fer að hlýna á okkar litla sæta Íslandi og fyrst með rigningu kannski en svo svona dásemdarveðri eins og gerist best á vorin. Ég hef þetta á tilfinningunni haha.

Ég er byrjuð að mynda grjót svona til að vera með

Rannveig Bjarnfinnsdóttir, 30.3.2008 kl. 20:54

Það er málið Rannveig - bara finna sér eitthvað skemmtilegra að hugsa um. Ég sé grjót út um allt en ekkert sem mér finnst "myndarlegt".

Og mikið hlakka ég til að fá rigninguna. kv.

Helga R. Einarsdóttir, 30.3.2008 kl. 21:23

Æ hvað ég er sammála þér. Hlakka til þegar það fer að hlýna...

Ása Ninna Katrínardóttir (IP-tala skráð) 30.3.2008 kl. 21:37

Það er vont en það venst eða hvað!!

Guðbjörg Elín (IP-tala skráð) 30.3.2008 kl. 22:13

Heyrðu tek undir með veðrið en hafði samt af að koma mér í snjógalla og gekk með félaga mínum úti/suður í hrauni og gleymdi maður sér alveg í stinningskaldanum. Jú maður verður að bölva og bíta á jaxlinn stundum en ég man ekki eftir svona langvarandi lásý veðri og er ekki einusinni bjartsýnn á það þetta breytist svo best að koma sér upp kuldagöllu.