Verðhækkanir

Skoo - ég var að hugsa: Í kvöldfréttum var talað við einhverja stúlku sem endaði sitt mál á því að biðja heild og smásala að fara rólega í verðhækkanir? Í gær var svo sagt frá því að mikið væri að gera í raftækja og húsgagnaverslunum við að breyta verði á vörum í búðunum?

Það hefur eitthvað skolast til í hausnum á mér, eða vinnulag í búðum tekið verulegum "framförum" síðan ég var í þeim bransa.

Þá komu vörurnar í búðina(eða til heildsalans) og fylgdi nóta þar sem verðið kom fram. Við reiknuðum svo út álagningu, verðmerktum og settum í sölu. Eftir það var ekki hægt að breyta verðinu, og ekki heldur þó gengið félli. En næsta nóta kom þá væntanlega með nýju verði sem gilti frá því Á VÖRUNUM SEM HENNI FYLGDU.

Og vörurnar á gamla verðinu seldust auðvitað upp áður en hinar voru snertar.

Eru svona aðferðir liðin tíð? 

Athugasemdir

[Ása Ninna Katrínardóttir (IP-tala skráð) 20.3.2008 kl. 20:48]

Já, svona aðferðir eru sko liðin tíð. Núna hlaupum við um alla búð til að skipta um hillumiða um leið og við fáum tilkynningu um verðbreytingar.

[Guðbjörg drithöfundur Helga,Sigurdórs og Helgu..., 20.3.2008 kl. 23:03]

Fuss

[Josiha, 21.3.2008 kl. 01:15]

Ég tók einmitt eftir þessum orðum stúlkunnar. Ég hugsaði bara "je right, að þeir taki e-ð mark á þessu." Er málið ekki bara að heiðarleiki er fyrirbæri sem er óðum að deyja út? Hann er allavega það verðmætur að kaupmenn hafa ekki efni á að kaupa hann.

[Jórunn Sigurbergsdóttir , 22.3.2008 kl. 13:05]

Já sú var tíðin Helga mín.