Þema vikunnar - ANDSTÆÐUR - ammatutte.blog.is

12.3.2008 | 07:35

Þema vikunnar - ANDSTÆÐUR

Nú getið þið farið að hugsa í ANDSTÆÐUM, þema vikunnar að þessu sinni. Skilið myndunum inn fyrir sunnudagskvöld. Svo held ég nú að sé að verða nóg í bili, við getum ekki haldið þessu endalaust áfram, finnst ykkur það?

Flokkur: Dægurmál | Facebook

Athugasemdir

Jújújú!!! Þetta er svooo gaman!!

Ása Ninna Katrínardóttir (IP-tala skráð) 12.3.2008 kl. 15:19

Jú, mér finnst að þetta eigi að vera endalaust!

Josiha, 12.3.2008 kl. 16:35

Loksins þegar mér datt í hug að taka þátt þá leggurðu til að hætta leiknum!!! Ég ætla að bæta mér á þann lista sem skorar á þig að halda áfram. Býst fastlega við að senda inn mynd í þessari viku.

Skúli Freyr Br., 12.3.2008 kl. 18:35

Vér mótmælum allir ... spurning um páskafrí eftir andstæðurnar.

Guðbjörg drithöfundur Helga,Sigurdórs og Helgu..., 12.3.2008 kl. 22:39

Spurning um að hafa næsta þema "páskar"

En eru einhverjar reglur varðandi myndirnar sem mega vera með?

Rannveig Bjarnfinnsdóttir, 12.3.2008 kl. 23:11

Fyrir utan að vera teknar eftir að hvert viðfangsefni er valið???

Rannveig Bjarnfinnsdóttir, 12.3.2008 kl. 23:18

Ekki hryllings eða klám Rannveig. Þú verður að taka hana sjálf og hún verður að hafa þema vikunnar að leiðarljósi. Láttu nú ljós þitt skína. Og sá sem vinnur í vikunni velur næsta þema. Þú verður að vinna til að velja "páska". Gangi þér vel. kv.

Helga R. Einarsdóttir, 13.3.2008 kl. 07:55

Jæja hér kemur fyrsta myndin í keppninni að þessu sinni.

Rannveig Bjarnfinnsdóttir, 13.3.2008 kl. 09:36

Þarna er veturinn að láta í minni pokann fyrir sumrinu og þá koma í ljós þessir löngu dauðu og viðardrumbar, en í þeim hefur kviknað nýtt líf. Skærgulir sveppir vaxa þar útúr fúnandi sprekinu. - Andstæðurnar eru - vetur og sumar og lífið og dauðinn.

Helga R. Einarsdóttir, 13.3.2008 kl. 19:47

Fyrir Helgu litlu:

Helga R. Einarsdóttir, 15.3.2008 kl. 17:43

Mýrarljósið:

Helga R. Einarsdóttir, 16.3.2008 kl. 19:44

Uss - ! léleg vika. En því meiri möguleikar fyrir okkur sem þó skiluðum.

Dómari - hvernig líst þér á? Það gæti verið páskaegg í verðlaun! kv.

Helga R. Einarsdóttir, 17.3.2008 kl. 09:53

Það eru tvær myndir sem tekst sérlega vel að myndbirta orðið "andstæður". Og í báðum er viðfangsefnið heitt og kalt. Myndbygging er góð í báðum, sérstaklega í mynd mýrarljóssins en dómarinn óttast að ef mýrarljósið yrði verðlaunað í tvígang myndi höfuð þess springa úr monti. Helga litla fær prik fyrir dagstimpilinn, sönnun þess að mynd hennar sé tekin í réttri viku. Og Rannveig fær prik fyrir að henda kettinum út í óveðrið. En sigurvegari vikunnar er Helga R. Einarsdóttir fyrir mynd sem lýsir svo vel togstreitu lífs og kulda, þar sem lífið nær loks yfirhöndinni. Ég hlakka til þess að fá páskaegg í verðlaun, enda þau fágætt sælgæti hér ytra.

kveðja,

Dómarinn.

Dómarinn (IP-tala skráð) 17.3.2008 kl. 20:37

Takk dómari - þar kom að því að þú sást ljósið.

En, því miður, eða sem betur fer, ég ætlaði þér ekki verðlaunaeggið, heldur þeim sem sigraði í keppninni. Það er líka eins gott að svona fór, nú kaupi ég bara egg handa sjálfri mér, en það hefði orðið erfitt að koma því til þín.

Kæru keppendur og áhugamenn - nú er það mitt að velja þema.

Og þar sem ég Á þessa keppni (kool), hef ég ákveðið að hægja á, fækka skiladögum niður í einn í mánuði.

Kannski ekki alltaf sama mánaðardag, þarf að skoða það aðeins betur. Alla vega, ég hugsa í nokkra daga og svo læt ég vita um framhaldið og næsta þema.

Og ég ætla að hafa páskaeggið nr.5!

Helga R. Einarsdóttir, 17.3.2008 kl. 21:05

Til hamingju með sigurinn. Líst vel á að lengja skilafrestinn.

Ég veit vel hver þessi dómari er. Bíð alltaf eftir að hann byrji að blogga sjálfur. En fyrr um "Guð" líklega fara að blogga

Josiha, 17.3.2008 kl. 21:41

Glæsilegt Helga! Enda flott mynd þarna á ferð. Já og ég hlakka til að vita næsta viðfangsefni.

Kveðja

Rannveig Bjarnfinnsdóttir, 17.3.2008 kl. 23:46

Ég vissi að þú myndir vinna. flott mynd og túlkun. Ég klikkaði í etta sinn Verð með næst. Núna er nú barasta hlýrra heima. Hér er búið að vera næturfrost og kalt. Svona getur þetta verið.