Bandaríski herinn tekur við vörnum landsins

 Enn kemur ágrip: --- Á þessum árum var ekki sjálfgefið að fólk yrði eldgamalt á Íslandi. Allir lífshættir og aðbúnaður gerðu það að ævi manna varð í mörgum tilfellum styttri en nú þekkist.

Nú þurfti amma ekki lengur að bíta á jaxlinn og berjast áfram hvort sem fært var eða ekki. Þegar hún var komin yfir fimmtugt fór að bera á versnandi heilsu. Hún hafði lagt of hart að sér, en það var bara eina leiðin til að komast af.  Hún hafði lifað lengri og átakameiri ævi en margir sem eldri urðu að árum, leiðin hafði verið löng frá Seljalandi við Ísafjarðardjúp á Laugaveginn í Reykjavík. 

Hún dó 52 ára gömul, 23.7.1941. Í sama mánuði tók bandaríski herinn við vörnum landsins af Bretunum, Tóbakseinkasala ríisins hóf framleiðslu á neftóbaki af illri nauðsyn samgönguleysis. Stríðið var í algleymingi. Börnin hennar ömmu áttu nú hvorki föður eða móður.

Athugasemdir

[Guðbjörg drithöfundur Helga,Sigurdórs og Helgu..., 17.10.2006 kl. 21:55]

Æjjj...hvað voru þau gömul þá?

[Helga R. Einarsdóttir, 17.10.2006 kl. 21:58]

Ekki smábörn, þú verður bara að fá að lesa allt handritið þegar tilbúið er. kv. mamma.

[GK, 18.10.2006 kl. 00:06]

Ég á ennþá einhverja He-Man kalla. Þó að sumir hafi lent í "slysum" og handleggsbrotnað og eitthvað. Þeir eru á vísum stað í neðstu skúffunni í Rauðholtinu...

[GK, 18.10.2006 kl. 00:08]

Þetta komment á við færsluna hér að neðan... En annars er gaman að lesa þetta og ég er ánægður með að þurfa ekki að slá þetta inn eftir þinn dag... ;)