Loksins mokað!

Ég er hætt að telja illviðrisáhlaupin og ófærðardagana sem við höfum fengið frá áramótum, en af því er löngu komið nóg. Ég hafði orð á því hér um daginn að illa væri staðið að mokstri í kringum skólann og var þá engu logið. En hér virðast vera til "batnandi menn" eins og svo víða.

Í síðustu viku, og svo aftur í morgun hefur verið búið að moka allt í kringum skólann áður en við komum. Og ekki bara moka, heldur fínhreinsa alveg upp að dyrum, eins og gerðist hér best á "Gummagröfu árunum". Það liggur við að maður sætti sig við svona langan og snjóþungan vetur úr því það tókst á endanum að finna mann sem kunni á gröfu og var leyft að nota hana þarna. Ég veit reyndar um einn gröfumann, sem vinnur hjá bænum sem gæti gert þetta svona vel, skil bara ekki hvert hann hefur verið sendur í janúar og fram eftir fefbrúar. Kannski niður í Tjarnabyggð?

Athugasemdir

[Hulda Bergrós Stefánsdóttir, 3.3.2008 kl. 21:05]

Hættu að telja þetta er ég (enn ein óveðurslægðin í vændum)

En skyldi gröfugæinn vera að vestan, þar kunn sagt vera að þar kunni menn að moka snjó

[Helga R. Einarsdóttir, 3.3.2008 kl. 21:23]

Ef svo er væri ég alveg til í að fyrirgefa honum að koma hingað, og horfa framhjá því að af hans völdum (og annarra "innflytjenda") hækka fasteignaskattarnir okkar hraðar en snjóruðningarnir.

Eða svo er sagt!

[Hulda Bergrós Stefánsdóttir, 3.3.2008 kl. 22:29]

Það hefur ekki farið fram hjá mér hér í 810