Lítil stúlka í heimsókn

Hún Una ætlar að vera hjá ömmu og afa um helgina. Foreldrar og systir eru úti í Ameríku og ef það eru til tölvur þar geta þau séð hvernig dagarnir líða hjá okkur.

Síðdegis í dag komu Gummi og Dýrleif Nanna að heimsækja okkur, þær fengu sér piparkökur og mjólk frænkurnar og svo fóru þær að leita að einhverju að lesa.   Fundu eina bók álitlega, sem Dýrleif settist með ofaná pabba sínum í sófanum.           En Una fór að horfa á barnaefni með afa. Svo sofnuðu auðvitað feðginin í sófanum og vöknuðu ekki fyrr en seint og síðarmeir, þá fóru þau heim til sín.

Eftir matinn fór Una í bað. Amma ætlaði að sækja balann út í skúr, en hann var þá ekki þar. Ansans. En amma kom þá auga á forláta frauðplastkassa sem hún hafði eihverntíman fengið í Bónus. Svona lika stór og góður, undan salati frá Spáni. Hann var síst verri en balinn og Una var hæst ánægð. Svo fór hún nú bara að sofa kl. átta, eins gott að rétt áður kom Gugga frænka með hundinn mjúka sem Una hafði gleymt hjá henni. Una þarf nefnilega að vera á tveimur stöðum í þessu orlofi. Á meðan amma er í vinnunni, er hún hjá Guggu og Júlíu. Auðvitað öllum hinum í fjölskyldunni líka, en þessar eru nú merkilegastar.

Athugasemdir

[Guðbjörg drithöfundur Helga,Sigurdórs og Helgu..., 8.12.2007 kl. 00:19]

Hahaha mér finnst mynd 2 frábær... tvær litlar bleyjulínur að leita fróðleiks .

[Josiha, 8.12.2007 kl. 03:34]

Þetta fannst mér sko skemmtilegt blogg! Þú mátt endilega senda mér myndina af feðginunum

[Ása Ninna Katrínardóttir (IP-tala skráð) 8.12.2007 kl. 05:10]

Sammála Guggu, frábær mynd nr. 2! Sem og þær allar!

P.s. ekki horfa á tímasetninguna á þessari athugasemd... ég er háskólanemi í prófum!

[Einar Örn S. (IP-tala skráð) 9.12.2007 kl. 03:28]

Þetta eru sérlega glæsilegar ömmustúlkur sem þú átt.  Greinilega vel upp aldar líka.

[Jórunn Sigurbergsdóttir , 9.12.2007 kl. 13:39]

Flott bað. Það má nota ýmislegt sem barnabað. Þekki það af eigin raun. Yndisleg börn.