" Að lífið sé skjálfandi lítið gras"

"Má lesa í kvæði eftir Matthías"  Það er undarlegt ástand hérna núna. Jarðskjálftahrina svo mögnuð að við tökum eftir henni. Enda eru upptökin víst bara hérna fyrir austan mjólkurbúið.  Það skelfur oft án þess að nokkur viti af því, en þegar við sátum við matarborðið áðan heyrðum við þungan dyn, og svo dálítinn titring undir fótunum. Svo kom annar og annar og miklu fleiri. Þrír víst svo öflugir að það glamraði í gleri í skápum.  Annars er það aðallega þyturinn og drunurnar sem maður tekur eftir.

Það er misjafnt eftir því hvar húsin standa hvernig áhrifinn finnast. Við höfum hingað til verið heppin, ekkert hefur farið á flug hér innanhúss, ekki einu sinni í 2000 skjálftunum sem voru þó nokkuð snarpir. Nú hef ég engan heyrt eða fundið í svona korter -  ekki átti ég að segja þetta - ég heyrði í einum, en fann lítið.

Athugasemdir

[Guðbjörg drithöfundur Helga,Sigurdórs og Helgu..., 20.11.2007 kl. 22:01]

Max gengur hér urrandi um gólf

[Helga R. Einarsdóttir, 20.11.2007 kl. 22:31]

Æ - greyið - fær hann ekki að sofa á milli? Ég ætla að fá mér ibufen fyrir svefninn svo ég sofi titringinn af mér. kv.

[Jórunn Sigurbergsdóttir , 20.11.2007 kl. 23:00]

Ég man eftir svona þyt og áður en þyturinn og skjálftinn kom fældist páfagaukurinn minn.

[Guðbjörg drithöfundur Helga,Sigurdórs og Helgu..., 20.11.2007 kl. 23:24]

Hann rýkur upp við minnsta þyt...t.d.núna

[Ása Ninna Katrínardóttir (IP-tala skráð) 21.11.2007 kl. 00:24]

Það er aldeilis... allt er með kyrrum kjörum hér í 101.

[Sigurður Hreiðar, 21.11.2007 kl. 08:54]

Spennandi svona skjálftahrinur -- en alveg ágætt að vera laus við þann spenning. Svona fjandi gekk yfir í Borgarfirðinum eitt árið sem ég átti heima þar. Man sérstaklega eftir einum kippnum, var staddur inni á bókasafninu í Bifröst þegar ég hélt að loftljósin myndu koma niður og etv. eitthvað af hillunum steypast fram á gólf.

Vona að þessi fjandi verði ekki að skaða.

[Kristín G. (IP-tala skráð) 21.11.2007 kl. 08:56]

Sýnist á fréttum að það hafi skolfið hjá ykkur í nótt. Kveðja heim.

[mýrarljósið (IP-tala skráð) 21.11.2007 kl. 11:52]

Spennandi, magnað að heyra drunurnar sem fylgja þessu.

[GK, 21.11.2007 kl. 22:04]

Já, skjálftarnir gerðu boð á undan sér með drunum á Hlöðum. Síðan hrikti í stoðum hússins. Oft nokkuð vel bara.