Heitir piparsveinar?

Ég sá í dag, í blaði, ákall til íslenskra kvenna í "neyð". Þar voru auglýstir nokkrir miðaldra karlar og fáeinir strákar og fullyrt að þarna væru saman komnir "heitustu piparsveinar landsins".   OMG! ég get ekki annað en ákallað þig. Hvað þýðir eiginlega "heitur"? Ég hélt fram að þessu að "heitir" væru menn spennandi, en það getur varla verið rétt.   Hvenær verða menn "piparsveinar"? Ég hefði haldið, menn sem ekki hefðu uppburði í sér til að nálgast kvenfólk ,og væru gjarnan komnir um og yfir þrítugt.  En þarna sýnist mér átt við karla eða stráka á ólíkum aldri, óreyndir eða útpískaðir, skiptir ekki máli. Kjáninn ég.     Og svo landið allt? Ég er viss um að bæði á Bolungarvík og Borgarfirði eystra, eru menn sem ættu miklu frekar erindi í svona heilsíðuauglýsingu - alla vega eins og ég skil orðin "spennandi piparsveinn".   Ég skal bara alveg sýna ykkur mynd af blaðinu - og  það eina sem ég hef haft með "feminista" að gera, var þegar ég tíu ára gömul fletti danska blaðinu "FEMINA" þegar ég kom í heimsókn til hennar frænku minnar í Reykjavík.

Athugasemdir

[Kolgrima, 2.11.2007 kl. 18:14]

Ha? Gáfu femínista þetta út?

[Kolgrima, 2.11.2007 kl. 18:15]

feministar meina ég!

[Helga R. Einarsdóttir, 2.11.2007 kl. 18:27]

Nei -nei - Kolgrima - mér bara datt í hug að einhver teldi þessi skrif mín í anda feminista. Annars hef ég ekkert vit eða skoðanir á þeim "isma" kv.

[Guðbjörg drithöfundur Helga,Sigurdórs og Helgu..., 2.11.2007 kl. 21:59]

Mjög óspennandi sveinar .

[mýrarljósið (IP-tala skráð) 2.11.2007 kl. 23:13]

Alveg örugglega sammála þér núna!

[Josiha, 2.11.2007 kl. 23:35]

Hallo! Vid Gummi erum lent heilu og holdnu. Her er gaman. Kiktu a bloggid mitt. Ble ble.

[Ása Ninna Katrínardóttir (IP-tala skráð) 4.11.2007 kl. 13:35]

Hef aldrei skilið af hverju þarf að vera að auglýsa svona piparsveina og -meyjur í blöðunum, og alltaf bara "fræga" fólkið. Af hverju kemur aldrei mynd af mér í blöðin, "Einhleyp og leið á því" eða eitthvað í þá áttina?

Neinei, ég er nú bara að grínast...

[Helga R. Einarsdóttir, 4.11.2007 kl. 17:24]

Góð hugmynd Ninna. Ættum við kannski að skora á ritstjórann að koma upp svoleiðis síðu í Sunnlenska?

[Josiha, 4.11.2007 kl. 19:10]

Hallo. Erum a flugvellinum og komum bradum heim :-)

[Ása Ninna Katrínardóttir (IP-tala skráð) 5.11.2007 kl. 06:40]

Já, endilega!