Það er svo óralangt síðan

og svo mikið búið að gera, síðan ég var í skólanum síðast.  Vetrarfrí - föstudag og mánudag - og það er eins og eilífðin öll.  Ég skrifaði langan lista fyrir helgi, þar sem allt var skráð sem ég ætlaði og þurfti að gera í þessu fríi.  Sumt er ég búin að gera tvisvar, en annað er ógert. Ég fór í laugina bæði á föstudag og í dag, en ég er ekki enn búin að skrifa skýrslu formanns. Það er nú samt allt í lagi, fundurinn er ekki fyrr en eftir viku. 

Ég fór líka tvær ferðir í bankann - og kom út i +. En ég er ekki búin að sá úti í gróðurhúsi, sem er líka eins gott af því ég fann í gær fullt af fræjum sem ég get notað. Gullregn - alveg fullt af þeim.  

Mér tókst að ljúka við teppið sem ég var að hekla - þá átti ég þau orðið fjögur.           En það stóð ekki lengi, Emil kom í heimsókn of ég gaf honum eitt til að lúra í.            Nú verð ég að þvo það nýjasta í hvelli, ef það koma fleiri smábörn í heimsókn. 

Sennilega má flokka þetta sem "nútímablogg", um ekki neitt, ekki einu sinni minnst á snjófölið sem lá hér yfir öllu í gærmorgun. Það var svo sem ekki til að gleðja mig sérstaklega, nú verð ég að leita að mannbroddunum mínum og setja undir skóna svo ég fari ekki á hausinn í fyrramálið. Mér er verulega illa við þá tilhugsun - að fara á hausinn - og kannski brjóta mig. Enginn er á ferðinni á sama tíma og ég. Jú bara í bílum á götunni, en það myndi enginn taka eftir dökkklæddri hrúgu á gangstéttinni. Ég gæti legið þarna þangað til birti og kannski alveg þangað til konan með Fréttablaðið fer á stjá, ef hún þá ber eitthvað út þann daginn.

Kannski ég setji flautuna mína í vasann. Svona íþróttakennaraflautu, ég á tvær, það kemur sér oft vel í ferðum með krakkana. Ég vona alla vega að ég finnist áður en ég krókna, og svo á að fara að snjóa meira á morgun. 

Það hlýtur að vera ömurlegt að hanga fyrst á sjúkrahúsi og svo heima - kannski vikum saman án þess ð vera vitund veikur. Veikur er maður ekki þegar maður er hitalaus.  Það er enginn hiti með fótbroti - er það?

Svona verður maður af að hanga heima í fjóra daga - ég hlakka til að fara í leikfimina á morgun. Og svo er matreiðsla hjá okkur eftir hádegið. 

Athugasemdir

[Guðbjörg drithöfundur Helga,Sigurdórs og Helgu..., 29.10.2007 kl. 21:24]

Ég skal hafa opinn eldhúsgluggann og hlusta eftir vælulegu tísti í flautunni...vona samt að ekkert heyrist .

Við Helga erum bullsveittar eftir að hafa sett saman nýja rúmið hennar, því fylgdi ágætis "fallow me" bæklingur. Hún er að búa um .

[Ása Ninna Katrínardóttir (IP-tala skráð) 29.10.2007 kl. 21:58]

Vonandi kemstu heilu og höldnu hvert sem förinni er heitið.

[Josiha, 29.10.2007 kl. 23:10]

Líst vel á flautuna. Spurning um að hafa vasaljós meðferðis svo að þú getir líka sent MOSS merki

Og takk enn einu sinni fyrir afmælisgjöfina. Ég er ennþá orðlaus

[Erla Björg, Vilberg og Emil (IP-tala skráð) 30.10.2007 kl. 19:42]

Takk innilega fyrir teppið. Það nýtur mikilla vinsælda hérna meginn. " þó að það sé stelpulegt" hi hi..