Stærðfræðitími og jarðskjálfti í skólastofunni

Níundi bekkur í stærðfræði og það brestur á með jarðskjálfta uppá tæp 3stig á Richter. Fjórtán ára krakkar þekkja jarðskjálfta best úr bíómyndum. Ýktar hamfaramyndir  þar sem allt getur komið fyrir og flest lífshættulegt og hræðilegt.

Í dag var ég í stofunni þegar smávægilegur þytur kom til okkar úr vestri og gólfið skalf örstutta stund undir fótunum. En áhrifin á unglingana voru líkust því sem þau væru stödd í miðri stórborg með skýjakljúfa allt um kring og skjálftin væri uppá 7.5 stig.

Það er full þörf á að kynna fyrir börnum og unglingum hvernig á að bregðast við jarðskjálftum, en ég held að það mætti í leiðinni segja þeim að það sem þau sjá í bíómyndunum er harla ólíklegt að gerist hér. 

Athugasemdir

[Josiha, 25.10.2007 kl. 22:14]

Ég ELSKA jarðskjálfta!

[Ása Ninna Katrínardóttir (IP-tala skráð) 25.10.2007 kl. 23:11]

Já ég líka, fæ alveg svona fiðrildi í magann og allar græjur...

[GK, 27.10.2007 kl. 00:39]

Hahh... unglingar eru upp til hópa fáfróðir...