Hundleiðinlegar fréttir

Þegar maður vinnur allan daginn og sér eftir það um þarfir heimilis, þó ekki sé stórt, þá eru kvöldfréttir sjónvarps eiginlega þær einu sem ég get séð eða heyrt. Því miður held ég að þær séu að verða leiðinlegri með hverjum deginum sem líður. Og þá meina ég ekki slæmar fréttir, heldur algerlega óþolandi hundleiðinlegar fréttir.

Þessi keypti hlut í hinum og fjárfestir festi ráð sitt eða óráð hér eða þar. Hverjum dettur í hug að venjulegt fólk hafi áhuga á þessu endemis rugli. Eina fréttin sem ég man eftir frá í kvöld, þó ekki kæmi hún til af góðu, var um bóndann í Borgarfirðinum sem er að reyna að leiða Vegagerðina til betri vegar. Hún var góð. 

Þessar fréttir af milljörðum, útrásum, fjárfestingum, tapi eða gróða "athafnamanna" eða pappírsfyrirtækja þeirra, ættu að vera í sérstökum fjármálafréttum, það er víða svoleiðis í útlöndum og annað eins er nú apað eftir.   

Athugasemdir

[Josiha, 11.9.2007 kl. 23:19]

Ég horfi ekki lengur á fréttir. Eftir að ég hætti því þá varð ég miklu glaðari, hehe. Ef e-ð merkilegt gerist þá frétti ég pottþétt af því. Eins get ég lesið fréttir á mbl.is og ef mér líst ekki á einhverja frétt þá sleppi ég bara að lesa hana. Mjög ánægð með þetta fyrirkomulag hjá mér, hehehe...

Hey! Svo er sko mikið að frétta! Nenni ekki að senda meil. Segi þér þetta frekar á morgun. Æ nei, við erum að fara í bæinn á morgun. Ég eða Gummi hringi í þig og segum þér allar fréttirnar. Forvitin?

[Guðbjörg drithöfundur Helga,Sigurdórs og Helgu..., 12.9.2007 kl. 00:54]

Ég vil fá Jóhönnufréttir!

[Jórunn Sigurbergsdóttir , 12.9.2007 kl. 19:07]

Alltaf nóg að gera hjá þér. Það er von að þú og aðrir vilji fréttir sem eitthavð er varð í. Fréttirnar hafa farið ofan garð og neðan hjá mér árum saman. Er allaf að hugsa um fjölskylduna þá. Það er makalaust hve mikið er að gera og þó er ég ekki lengur úti vinnandi. Sé bara ekki hvernig þú kemst yfir þetta