Ég vil láta rassskella og reka

ruglaða kalla og kellingar sem fara eins og fáráðlingar með fjármuni ríkisins. Ég er ríkið ásamt öllu hinu fólkinu sem vinnur fyrir þessum peningum baki brotnu árið um kring.

Við erum ekki að þessu puði til að búa til spilapeninga fyrir svona jólasveina, sem "bera svo enga ábyrgð" þegar allt er farið til fjandans. Við viljum láta nota það sem af okkur er haft til skynsamlegra verka en ekki til að láta svona dela moka þeim út, oft og iðulega til þess að hygla vinum vandamönnum, eða jafnvel sjálfum sér. Ef þeir skammta alltaf of lítið til þess sem þarf, þá kunna þeir bara ekki vinnuna sína.

Til að  þessir slúbbertar hugsi sinn gang er nauðsynlegt að gera þær breytingar sem þarf til að hægt sé að reka þá fyrir ítrekuð afglöp í störfum. Nú liggur við að þeir gætu framið morð án þess að við þeim verði hróflað, svona bara gengur ekki nema þá kannski í einræðisríkjunum sem kennd eru við bananaræktun. 

Athugasemdir

[Jóhannes Ragnarsson, 16.8.2007 kl. 19:39]

Uss-suss-suss-suss ... voðalegt orðbragð er þetta Helga mín. Þú mátt ekki vera svona reið.

[Helga R. Einarsdóttir, 16.8.2007 kl. 20:03]

Á meðan ég hóta engum alvarlegri líkamsárás og segi hvorki dj----- eða hel---- finnst mér orðbragðið nú bara frekar meinlaust.  kv.

[Guðbjörg drithöfundur Helga,Sigurdórs og Helgu..., 16.8.2007 kl. 22:41]

Það eru nú sumir sem hafa setið inni fyrir minni tæknileg mistök .

[Erla Björg (IP-tala skráð) 17.8.2007 kl. 10:38]

Þarna er ég svo hjartanlega sammála þér Helga. Svo tala þeir um að það hin og þessi þurfi að bera ábygð en eru aldrei að hugsa um eigin rass ..nei þeir þurfa ekki að bera ábyrgð en allir aðrir eiga að gera það. Ein mistök og þeir ættu að fá að fjúka að minum dómi.... En þeir fá sendiherrastöður þessi grey út um allan heim fyrir þeirra "góðu"verk. Eins og þessar sendiherrastöður séu nú ekki einn ein tímaskekkjan.. það er til nútímatækni sem margir hverjir nota daglega.. tölvur, vefmyndavélar og fl sem geta losað okkur undan öllum þessum rössum út um allan heim og sparað okkur krónurnar. Kanski er þetta bara gert til að losa okkur við að þurfa að horfa upp á skammarstrikin þeirra hér á íslandi.. en í London, kína og fl stöðum er enginn að fylgjast með þeim. 

[Helga R. Einarsdóttir, 17.8.2007 kl. 16:49]

Þú ert greinilega við bestu heilsu frænka sæl og það er gott. kv.