Af handriti sem fannst í austurbænum

Enginn hefur leitað eftir miðunum sem fundust hér í innkeyrslunni á dögunum. Það er svolítið undarlegt af því ég held að þetta séu merkismiðar ( ekki merkimiðar) og hafi verið skrifað á þá í ákveðnum tilgangi. Ég ætla að nefna hér nokkur atriði sem eru skráð á þetta handrit:

1945 - skólinn fluttur, það er sennilega þegar Barnaskólinn á Selfossi, sem nú er kallaður Sandvíkurdeild Vallaskól, var tekinn í notkun.  Makalaust hvað er hægt að gera einfalda hluti flókna. þessi Barnaskóli er ekki einu sinni á Selfossi lengur, hann er í Árborg.  (En ég skal nú samt alltaf segja Selfossi)

  1947 - kjöt utan á? Hvað gæti það nú þýtt? Mér dettur í hug að þá hafi SS tekið sláturhúsið í notkun,og þar með byrjað að framleiða kjöt fyrir utan á.

 Landsímastöðin 1909 - þá hefur gamla símstöðin við Austurveg verið tilbúin?

Ölfusá vatnsmesta á landsins - það vissu nú allir.

Sundhöll =1960 - það hefur verið þegar sundhöllin á Selfossi var tekin í notkun.

1945 - löregluþjónn. Sennilega hefur þá verið settur lögregluþjónn á Selfoss. Ég þarf að finna út hvað hann hét og hvað hann var helst að gera.

Sumt á þessum miðum er svo smátt skrifað og skamstafað að ég get ekki lesið. Ætli ég fari ekki á "dulmálslestrarnámskeið" áður en ég reyni við meira. 

Athugasemdir

[Berglind , 24.7.2007 kl. 22:04]

Það er ómögulegt að segja hver eigi þennan miða, en mér dettur kannski einna helst í hug okkar háttvirti sýslumaður. Labbar hann ekki stundum framhjá Rauðholtinu. Getur ekki verið að hann þurfið nú að muna helstu atriði í sögu SELFOSS!!!

Eða Kjarri Björns, til að muna útaf 60 ára afmæli Selfossbyggðar.

KV.

BH

[Helga R. Einarsdóttir, 24.7.2007 kl. 22:13]

Þer koma báðir til greina Berglind, en þetta var INNI í innkeyrslunni og það hefur verið logn síðan í maí?