Fyrirspurn til fuglafræðinga

Ég var fyrir stuttu í Manchester á Englandi og sá þar fálka sem hafði sest að á stórri verslunarmiðstöð.  Mér var sagt að þarna væri á ferðinni "Peregrine fálki", og hann væri hraðfleygastur allra fugla í heiminum. Hvort sem það er rétt eður ei, langar mig til að vita hvað þessi fálki myndi hafa að viðurnefni hér á landi.  Er einhver sem veit það?

Athugasemdir

[Jórunn Sigurbergsdóttir , 23.7.2007 kl. 19:50]

Ekki veit ég það en mikið hefði verið gaman að sjá hann.

[Sigurður Hreiðar, 23.7.2007 kl. 20:39]

Laus við að þekkja fugla og er ekki viss um að ég þekkti fálka þó hann flögraði hér í kringum mig. En einhvern tíma var ég að þýða bók eða grein þar sem „peregrine falcon“ eða „peregrine prey bird“ kom við sögu. Þá sagði mér einhver fróður maður sem ég trúði í þann tíð að þetta væri förufálki.

Ertu nokkurs vísari?

[Helga R. Einarsdóttir, 23.7.2007 kl. 21:12]

Ég held frekar að þetta hafi átt að vera einhver ákveðin tegund. Förufálki er bara fálki af hvaða sort sem er sem lendir á röngum stað á vitlausum tíma?  Það eru til einhverjar fleiri en ein tegund af þessum fuglum. kv.

[Sigurður Hreiðar, 24.7.2007 kl. 10:19]

Þegar þú verður sjötug (næsta stórafmæli) ætla ég að gefa þér íslenska orðabók ef ég verð ekki dauður eða búinn að gleyma því af öðrum orsökum.

Ísl. orðabók bls. 416: förufálki kk dýrafr. • fugl (Falco peregrinus) af fálkaætt, flækingur á Íslandi.

Mér sýnist því að þetta hljóti að vera tegund. Gæti lent á röngum stað á vitlausum tíma eða verið kyrr heima hjá sér, er samt af tegundinni förufálki.

Hvað segja fuglafróðir?