Hver kom hér?

Á fimmtudag fannst hér í innkeyrslunni miði, eða öllu heldur tveir samanbrotnir miðar. Sá sem hefur misst þá frá sér er heilmiklum fróðleik fátækari, nema hann eða hún hafi verið búin(n) að læra utanbókar það sem á þá var skrifað.

Þarna eru minnispunkatar um allt mögulegt í sögu Selfoss. Allt frá því að brúin hrundi undan mjólkurbílunum og til þess að Byko var opnað og skeiðvöllur Sleipnis tekinn í notkun.  Úr því ég komst yfir þessi blöð er ég að hugsa um að nýta mér þau og skrifa  um það sem punktarnir vísa á. Bara svona með tíð og tíma, ekkert endilega hér. En ég er líka alveg til í að skila þessu ef eigandinn gefur sig fram. 

Athugasemdir

[Ninna (IP-tala skráð) 8.7.2007 kl. 23:53]

Jú þú mátt endilega skrifa þetta hér, alltaf gaman að fræðast um sögu Selfoss.

[Sigurður Hreiðar, 9.7.2007 kl. 15:27]

Til hamingju með myndina -- þessi er miklu betri.

[Rúnarsdóttir, 9.7.2007 kl. 16:11]

Ég er viss um að presturinn hefur misst þetta ...

[Josiha, 9.7.2007 kl. 16:14]

Fín myndin af þér

[Helga R. Einarsdóttir, 9.7.2007 kl. 16:41]

 Takk Jóhanna, farðu nú út í góða veðrið.

Ágústa mín góð - honum væri vel trúandi til þess, en hann hefur ekki átt hér  leið um - svo ég viti. kv.

[Helga R. Einarsdóttir, 9.7.2007 kl. 16:42]

Hvað er annars allt þetta fólk að gera INNI í þessu veðri?

[Sigurður Hreiðar, 9.7.2007 kl. 18:32]

Auðvitað er allt þetta fólk að bíða eftir vísdómi bloggsins, ekki síst þegar það hefur verið bilað.

Verst að missa af þér/ykkur. Já, fannst þér ekki skrýtnar flugurnar, og hvernig blómið veiðir þær? Sá reyndar samskonar flugur uppi í Miðhúsaskógi. Þær virðast una sér ágætlega í kjarrinu þar.

Kveðja í bæinn

[Rúnarsdóttir, 9.7.2007 kl. 22:41]

Litla alnafna langömmu sinnar er lasin svo við erum dæmdar til inniveru mæðgurnar. Það var skýjað í Garðabæ í dag svo það var bara notó, skilst það verði ekki svo gott á morgun ...