Þá flýg ég út í heiminn

Það styttist "óð-fluga". Á morgun förum við í ferð í Krýsuvík og dúkum svo borðin. Á föstudag förum við í umbunarferð á Stokkseyri, við eigum að fara í kajakasiglingu. Ég veit nú ekki alveg hvort ég fer á flot. Eftir það gerum við klárt fyrir útskrift 10. bekkjar, leggjum á borðin og gerum rosalega fínt. Svo förum við niður í kjallara með það sem eftir er af bókum, teljum og færum til skráningar í "bókatíðindum" ársins.  Miðað við fjölda krakka í skólanum er ekki ólíklegt að við séum búnar að ganga frá og telja þarna á fjórða þúsund bækur. Um helgina þarf svo að undirbúa "fráhvarf" fjöldamargra húsmæðra á Selfossi. Á mánudaginn, þegar við erum búin að ganga aftur frá öllum borðunum og stólunum eftir veisluna á föstudagskvöldið, og allir krakkar hafa fengið einkunablöðin sín, þá förum við skólafólkið í ferðalag til Bretlands. Með aðsetur í Leeds og Manchester. Það verður vonandi hægt að hvíla sig þar?

Athugasemdir

[Jórunn Sigurbergsdóttir , 30.5.2007 kl. 22:41]

Hvíla sig. Ég vona bara að þú skemmtir þér vel. Það er nú helfur betur mikið um að vera hjá þér núna.

[Ninna (IP-tala skráð) 31.5.2007 kl. 00:05]

Góða skemmtun í úgglöndum... þegar þar að kemur ;)

[Guðbjörg drithöfundur Helga,Sigurdórs og Helgu..., 31.5.2007 kl. 00:17]

Auðvitað ferðu á flot! Það væri bara geggjað , kannski finnur þú" þitt innra sjálf "og ferð að selja kajakferðir á tjörninni hans Ödda.

 Ég skal svo hugsa vel um kallinn ef ég verð vör við frákvarfseinkenni