Það eru "góðar fréttir"

Að sjónvarp allra landsmanna býðst nú til að taka við "góðum fréttum" frá hvaða óbreyttum borgara sem er. Það var mikið að einhver kom auga á þörfina á slíku í þessu eilífa  - svartnættis - hernaðar - slysfara - pólitíkur - rifrildis - rugli, sem hefur allt of lengi verið það sem okkur hefur helst verið sagt frá í daglegum frettum.

Ég kann líka nokkrar góðar fréttir þó ég ætli ekki að trufla Boga með þeim að sinni:        1. Ég er komin heim.

2. Aldeilis ólöskuð og við bestu heilsu.

2. Hestakránni á Skeiðunum eldar kokkurinn alveg frábæran mat.

3. Í þessari sömu hestakrá er  þjónustan frábær og heiti potturinn góður.

4. Ég á stórkostlegar skólasystur, sem hrjóta ekki.

5. Kvennareiðin tókst held ég vel þrátt fyrir moldrok. Þær voru sumar nokkuð krímóttar þegar þær komu á leiðarenda í kránni. -  Þarna hefði ég getað sagt að einhverjar hafi verið moldfullar ( í munni nefi og augum), en það hefði þá örugglega einhver fært til verri vegar.

6. Þessar vindþurrkuðu konur sungu bæði hátt og vel.

7. Þær voru farnar fyrir miðnætti.

8. En við fórum seint að sof og sváfum vel. 

 

Athugasemdir

[Guðbjörg drithöfundur Helga,Sigurdórs og Helgu..., 20.5.2007 kl. 20:29]

Þetta voru góðar fréttir

[Josiha, 20.5.2007 kl. 22:20]

Velkomin heim. Það var fjölskyldufundur í dag hjá Siggu Jó og svo hittum við Smára í kvöld. Ýmislegt að frétta!

[Ólafur fannberg, 20.5.2007 kl. 22:30]

velkomin heim

[Ninna (IP-tala skráð) 20.5.2007 kl. 23:18]

Velkomin heim og gott að sjá að allt gekk vel.

[Jórunn Sigurbergsdóttir , 21.5.2007 kl. 20:56]

Þetta eru góðar fréttir.