Fjársjóður úr fortíðinni

Mér leggst allataf eitthvað til. Ég er að fara um helgina að hitta skólasystur mínar úr Skógaskóla. Við ætlum að vera saman tvo daga og eina nótt, leika okkur eins og við gerðum einu sinni, rifja upp skammarstrik og reyna að muna hver átti hvaða kærasta hvenær.  Vegna þessa var ég í kvöld að leita að fornminjum í skápunum. Minningabókum myndum og skólablöðum. Mér varð vel ágengt og get skellt á þær ýmsu sem var löngu talið gleymt að eilífu.

En ég fann líka svolítið annað. Ég fann blað sem ég keypti fyrir ca. 40 árum af tveimur litlum drengjum. Þeir gengu í hús og seldu 16 síðna blað með eigin kveðskap fyrir 10 krónur.  Nú eru skáldin orðin stór, þeir eiga konur og börn, gott ef ekki barnabörn líka sem vel gætu verið að semja ljóð til að prenta og selja. Varla trúi ég þó að 10 krónur yrðu þá látnar nægja. Afarnir kunna meira fyrir sér nú en þá og myndu aldrei sleppa krakka út til að selja blað fyrir svo fáar krónur. 

Ég ætla að birta hér eina vísu eftir hvorn, hitt ætla ég að geyma. Kannski læt ég þá einhverntíman vita hvað ég á, og kanna hvort þeir væru kannski til í að kaupa af mér? 

Geggjun: 

Kírinata Páls og Kírinata Kristjáns 

þeir skera sig á háls

svo hausinn verði frjáls. 

Gata:

Út´á götu ég nú geng 

þar er margt að horfa á

Þar sé ég mann í einum keng,

og annan sem segir mjá mjá. 

 

 

Athugasemdir

[Guðbjörg drithöfundur Helga,Sigurdórs og Helgu..., 15.5.2007 kl. 21:56]

Ertu ekki kolólögleg að birta þetta svona án höfundaupplýsinga?

Hvernig í ósköpunum datt einhverju barni þetta í hug"Kírinata"? 

Reyndu svo að finna eitthvað drasl frá mér...

[Helga R. Einarsdóttir, 15.5.2007 kl. 22:10]

Ég fann - viðurkenningarskjal úr dansskólanum. kv.

[Pálína (IP-tala skráð) 15.5.2007 kl. 22:40]

Já það verður nú gaman hjá ykkur

, sérstaklega á laugardagskvöldinu innan um 100 veinandi, drukknar og illa lyktandi konur, sem riðið hafa um uppsveitir Árnessýslu og hafa eflaust gaman af. Ég er allavega mjög spennt að hitta þig einhversstaðar annarstaðar en á göngum skólans þó það sé líka bara nokkuð gott og vonandi verður hrifningin gagnkvæm :)

Skál.

[Helga R. Einarsdóttir, 15.5.2007 kl. 22:45]

Óóóó já Pálína - ég fékk einmitt í kvöld síðustu tölur. Og ég fékk líka að vita hvernig húsráðandi hugsar sér að leysa vandann. Við sjáum nú til hvort það tekst.kv.

[Jórunn Sigurbergsdóttir , 16.5.2007 kl. 13:12]

GAman af vísunum.