Vorið og "grasveðrið"

Maður á aldrei að kvarta undan rigningunni, hugsið ykkur bara ef hún væri ekki? Þá væri hér bara aldeilis ekkert líf.

Nú er í alvöru farið að vora undir fjöllunum. Þar kemur sumarið alltaf mörgum vikum fyrr en hér hjá okkur. Það var ekki að ástæðulausu sem ég sagði hér um árið að ef ég ætti eftir að eiga heima annarsstaðar en uppi í hrepp skyldi það vera undir fjöllunum. En svo fór nú allt á annan veg, líklega er engin leið að taka svona ákvarðanir þegar maður er átján ára. En það var bara alltaf svo gott veðrið þar. Sólskin og blíða eða suddavæta í logni. Það var grasveður.

Athugasemdir

[Jórunn Sigurbergsdóttir , 20.4.2007 kl. 22:12]

Hér í Breiðholtinu er gróðurinn hálfum mánuði á eftir gróðrinum niður í bæ en á sumrin getur þó verið tveimur stigum meiri hiti hér en þar en aftur á móti er lika tveggja stig munur á veturnar. Þá er kaldara hjá okkur. 

[Josiha, 20.4.2007 kl. 22:27]

Ég kvarta ekki. Ég geri mér fullkomlega grein fyrir því hvað rigningin er góð

[GK, 20.4.2007 kl. 23:08]

Mér finnst rigningin góð - nema í roki.

[mýrarljósið (IP-tala skráð) 22.4.2007 kl. 09:23]

Ég elska rok og rigningu!

Mín reynsla er sú að það er sama hvernig veðrið er, fólk getur alltaf kvartað yfir því og vill hafa það einhvernveginn öðruvísi, aumingja fólkið!

[Helga R. Einarsdóttir, 22.4.2007 kl. 13:16]

Ég skil vel að þú elskir rigninguna. Í mörg ár vissirðu varla að annað væri til. Einu sinni var ég í Vestmannaeyjum í sólskini og logni og heimamaður sagði okkur ljónheppin að hitta á annan af tveimur dögum ársins með þessu veðri.

[mýrarljósið (IP-tala skráð) 22.4.2007 kl. 20:31]

Bull!

Ég hef  þó alist upp við það að kvarta ekki undan veðri.

[Helga R. Einarsdóttir, 22.4.2007 kl. 21:46]

Já það er gott sjónarmið - það má finna bjarta hlið á öllu