Flatey á Mýrum og fimmhundruð kýr

Ég er reyndar ekki alveg viss hvort ég á að segja Á eða Í Flatey.                                En 500 mjólkandi kýr, það er ekkert smá. Það verður vandi að finna nöfn á þær allar. Ég bara vona svo innilega að ekki verði látið duga að klessa númeraskilti á hverja og eina. Ópersónulegur búskapur er held ég leiðinlegur búskapur. Það kannski gengur með hænur, sem hafa "hænuhaus", en alls ekki beljur, þó talað sé um að "nautheimsku".

Þær hafa sál og heila, þær hugsa. Alla vega hafa þær misjafna hegðun. Það var örugglega úthugsað þegar hún Snotra elti allan  grenjandi krakkaskarann upp í ás til þess eins að drepa okkur. Einstakt lán að okkur tókst að klifra upp á klettinn þar sem við húktum langt fram á kvöld þegar við loksins vorum sótt. Ekki höfðum við grun um að það væri hann Snati sem hún var á eftir. Það vildi bara svo til að hann var með okkur.

En þessi árás sýndi sem sagt að hún var eitthvað að hugsa, þó heimskulegt væri.       Ég vildi gjarnan leggja lið við búskapinn í á Flatey með því að rifja upp nokkur góð kúanöfn, ef ég væri viss um að þau yrðu notuð.  Það eru ekki allar beljur bara Búkollur.

Athugasemdir

[mýrarljósið (IP-tala skráð) 16.4.2007 kl. 20:47]

Ég fer alltaf "út í" eyjar.

[Helga R. Einarsdóttir, 16.4.2007 kl. 20:58]

Já en þetta er ekki eyja eins og þínar. Það er bær á þurru landi sem heitir Flatey. Samt grunar mig að ég vilji hafa það Í.

[Guðbjörg drithöfundur Helga,Sigurdórs og Helgu..., 17.4.2007 kl. 16:36]

Á bænum Flatey á Mýrum.