Aftur í dag og málið er dautt

Það er allur vandinn. Ég dreif mig strax í morgun aftur út á blett og rakaði og hreinsaði það sem eftir var með tilheyrandi beygjum og teygjum. Harðsperrurnar létu undan síga og nú er ég eins og fimleikastúlka á norðurlandamóti - ég sá hana í sjónvarpinu áðan.

Júlía kom með pabba sínum fyrir hádegið, hún var orðin svo áhugasöm um heilsufar og klæðnað Siggu að hún bara varð. Það varð úr að Sigga fór með þeim heim. Alklædd.

Við fórum svo í sveitina í dag, í afmæli til mömmu. Það eru engin smámenni sem eiga afmæli á þessum degi: Vigdís Finnboga, Tóti á Reykjarbakka (til hamingju), Páfinn og mamma. 

Athugasemdir

[Josiha, 15.4.2007 kl. 20:53]

Dugleg
Og til hamingju með allt þetta fólk

[Sigþrúður Harðardóttir, 17.4.2007 kl. 16:30]

Sæl....og Hörður systursonur minn er líka fæddur þennan góða dag, hann er orðinn 16 ára!