Ein skítlétt

 Páskafrí - ótrúlega gott að geta sofið þegar aðrir fara í vinnu. Allt öðruvísi en helgarnar, þegar allir hinir fá að njóta líka. Samt var ég komin á fætur kl.8.00 í morgun, ég þurfti aðeins að snúast í kringum sjálfa mig og svo fór ég í bæinn með Guðbjörgu og Júlíu af því það var verið að taka nefkirtla úr Júlíu. 

Synd að fara svona illa með lítil börn, en amma var afturí hjá henni á heimleiðinni og sagði músasögur. Hún átti ósköp bágt, en reyndi að skæla ekki svo hún gæti fylgst með því sem fram fór í sögunni. Svo sofnaði hún í Kömbunum og er víst bara nokkuð brött núna. Ein gáta.

 Fjandsamlegur fiskunum

Fingraaflraun valin

Brot af glímubrögðunum

Betri en kelda talin.

 

Athugasemdir

[Josiha, 2.4.2007 kl. 20:39]

Æ aumingja Júlía  Það er gott að eiga svona góða ömmu eins og þig þegar maður á bágt. 

[Guðbjörg drithöfundur Helga,Sigurdórs og Helgu..., 2.4.2007 kl. 21:27]

Takk fyrir hjálpina amma mín,músasagan hjálpaði mjög!ég ætla að skoða holuna næst þegar ég kem í R9. Þín Júlía Katrín

Svar:k....r

kv. GHS

[Helga R. Einarsdóttir, 2.4.2007 kl. 21:47]

Guðbjörg  R.

[GK, 3.4.2007 kl. 14:37]

Þessi er alltof létt...

Næstur nefi í augunum,
þar býr enginn Palli.
beita má með hælunum,
kenndur við hann Halli.

Sjaldan er slöpp vísa of oft kveðin. Lausnina má reyndar ekki finna í 2. línu.

[Helga R. Einarsdóttir, 3.4.2007 kl. 17:12]

Bjóstutta sjálfur?  Ég veit hvað það er - af því ég þekki Halla.

[GK, 3.4.2007 kl. 23:57]

Bjó þetta sjálfur á 15 sekúndum. Það er nú auðvelt ef engir eru stuðlarnir og höfuðstafirnir...