Ég er "Lost" einn ganginn enn

Nú bara reyni ég ekki meir. Þegar "Lost" byrjaði aftur varð ég voða glöð og ætlaði að horfa eins og ég gerði áður. Ég reyndi samviskulega að tolla við tvo þætti en gafst svo upp. Þetta er orðið eitthvert endalaust rugl sem vonlaust er að sitja undir. Maður verður alveg ruglaður, eða bara "lost" af að reyna að fylgjast með því.

Annars hef ég verið ákaflega laus við að bindast sjónvarpsefni órjúfanlegum böndum. Kannski sem betur fer. Nú hef ég í bili fundið mér samastað hjá Hálandahöfðingjanum og Aðþrengdu eiginkonunum, sem eru reyndar á sama kvöldi svo ég verð að þrauka nokkuð lengi þá. En á móti kemur að þá er ég búin með það sem ég þarf að sjá í vikunni, allt nema Spaugstofuna, sem ræðst af tilviljunum og skemmtanalífi hvort ég sé á laugardegi eða sunnudegi. Gott mál.  "Heimurinn", sem hefur verið á mánudögum, er reyndar algert klassaefni og allt í lagi að sjá svoleiðis  öðru hvoru. 

 

 

Athugasemdir

[Jórunn Sigurbergsdóttir , 26.2.2007 kl. 23:03]

Hef aldrei horft á Lost var viss um að það væri bölvuð vitleysa. En eins og þú kanski veist er Hálandahöfðinginn upáhaldsþáttur hjá mér.

[Josiha, 27.2.2007 kl. 12:06]

Ég hef heldur aldrei horft á Lost. Efa það samt ekki að þetta séu góðir þættir.

[Ninna (IP-tala skráð) 27.2.2007 kl. 19:59]

Hef heldur aldrei horft á Lost, og ekki heldur Hálandahöfðingjann.. en fylgist spennt með Aðþrengdu eiginkonunum... ;)