Til þess eru "verðin" að varast þau

Einu sinni sagði mér mætur maður að ég skyldi varast þetta með "verðin". Ég get sagt "lömbin þagna" en aldrei "verðin" hækka eða lækka.  Auðvitað segir maður að verðið hækki þegar það á við, en oftar skulum við þó vona að það lækki.  

Ég fór í Bónus áðan eins og fleiri. Verðið er óbreytt á hillunum, en þegar til kassanna kemur,  (skondið að lesa þetta. Nærri eins og "til kastanna kemur"sem væri líka hægt að nota þarna)  eru dregnar nokkrar krónur af svo útkoman verður skárri.                          En hvers vegna skyldi verðinu á hillunum ekki vera breytt?  Á þetta ekki að verða varanlegt?

Athugasemdir

[Ólafur fannberg, 24.2.2007 kl. 22:16]

þetta er kannski bara tilraun ..

[Jórunn Sigurbergsdóttir , 24.2.2007 kl. 22:31]

Já þetta er óþolandi og ég las eitthvað annað sem var í fleirtöl  en á að vera eins í ein og fleirtölu,  verst að ég man ekki hvað.það var. Blaðamaðurinn þýddi þetta auðsjáanleg  úr ensku  og vissi ekki  betur. Þetta er slæm þróun.