Eins og riðuveik rolla

18.2.2007 | 13:15

Þetta er ekkert sniðugt, ég hefði ekki farið í skólann í morgun og ég veit hreint ekki hvort ég fer á morgun. Í nótt var það árans hóstinn sem angraði mig, ef ég lagðist útaf byrjaði endalaust hóstakast. Ég fékk mér þá annan kodda og hafði vel hátt undir hausnum, þá hætti hóstinn. En ég er bara ekki vön að sofa hálf sitjandi svo nóttin fór að mestu í vaskinn.

Einhverntíman um miðja nótt læddust hér inn tvær ungar stúlkur og þegar dagur rann og allt varð ljóst, kom á daginn að það voru þær tvær sem á þriðjudag ætla að leggjast í langferð saman. Ef viðeigandi foreldrar lesa, sjá þeir að mér urðu á mistök þegar ég taldi lömbin inn.

Ég er enn með hellu, en þó aðallega öðru megin. Ef ég halla mér, er ég hálf ringluð þegar ég rís upp aftur, ráfa eiginlega eins og riðuveik rolla smá stund. Þess vegna er best að vera ekkert að leggja sig - svo lengi sem ég stend undir sjálfri mér.

Þokkaleg lýsing! Nú ætla ég að líta á "Silfrið".

Flokkur: Dægurmál | Facebook

Athugasemdir

Ekki hljómar þetta vel. Vonandi fer þér nú að batna.

Jórunn Sigurbergsdóttir , 18.2.2007 kl. 13:47

Æ æ æ...

Batakveðjur!

Josiha, 18.2.2007 kl. 13:50

þarf maður einhvern tíma að ,,plokka" toppinn af fræjum sem maður sáir sjálfur ??? Baráttu batnaðarkveðjur

Zóphonías, 18.2.2007 kl. 14:40

Nei - fræin eiga alveg að sjá um ig sjálf. Hverju ertu að sá? þetta tekur misjafnlega langan tíma, vertu þolinmóður Zófi minn.

Helga R. Einarsdóttir, 18.2.2007 kl. 14:46

ööö krakkarnir hjá mér sá stjúpum, morgunfrúm, flauelsblómum, tóbakshornum. Hérna á fjölnisveginum er hinsvegar aðeins sáð pelargóníum

Zóphonías, 18.2.2007 kl. 14:57

Af hverju er svona mikið af unglingum hjá þér og hvar eru foreldrar þeirra?

mýrarljósið (IP-tala skráð) 19.2.2007 kl. 20:45

Þetta drífur að úr öllum áttum, þau komast að því í skólanu hvað ég er skemmtileg og sum eiga engar ömmur hér nærri. Nei, plat. Það er bara hún nafna mín, foreldrarnir eru á stað þar sem allt er fullt af gulum fuglum (Dulmál). Svo dregur hún að sér nokkrar í viðbót.

Helga R. Einarsdóttir, 19.2.2007 kl. 21:18