Sauðfjárverndin

Einhverjir muna sjálfsagt eftir tilkynningum í útvarpi frá "Sauðfjárverndinni".                   Í hádegisauglýsingum útvarps, sem var þá bara ÚTVARPIÐ, ekkert rásarugl með eitt eða tvö, mátti reglulega heyra eitthvað á þessa leið: "Bændur, hugið vel að ánum um sauðburðinn", sauðfjárverndin. "Nú er tímabært að taka fé á gjöf", sauðfjárverndin.

Einhverjir hafa sjálfsagt haldið að þessi góða vernd væri falin í skúffum einhverrar stofnunar bændasamtaka, en það var nú ekki. Það var hann Jón Konn. Gamall maður og fyrrum barnakennari sem notaði ellilaunin sín til að  stuðla að góðri meðferð á  kindum.  Hann átti heima í litlu húsi sem stóð  kirkjumegin við það hús sem einu sinni hýsti  hreppsskrifstofuna, en er nú veitingastaðurinn Menam. Hann bjó þarna einn  og  þegar hann fór út gekk hann við tvo stafi. 

Eftir að hann dó hefur enginn tekið að sér að vernda kindur á Íslandi.

Athugasemdir

[Jórunn Sigurbergsdóttir , 1.2.2007 kl. 20:15]

Þetta var fallegt af honum

[GK, 1.2.2007 kl. 20:38]

Kannski ætti maður að byrja að panta auglýsingar...

[Helga R. Einarsdóttir, 1.2.2007 kl. 20:45]

Hvað myndir þú taka undir þinn verndarvæng Guðmundur?

[mýrarljósið (IP-tala skráð) 1.2.2007 kl. 21:04]

Ég man vel eftir Jóni Konn og sauðfjárverndarauglýsingunum, það er enn til nóg af "sauðum" fyrir Guðmund Karl".

[GK, 1.2.2007 kl. 22:32]

Tjahhh... það er spurning.