Hefði það nú verið Valur, eða Haukar- eða bara KR --

--sem komst í gærkvöldi upp í úrvalsdeildina í handbolta. Ætli þá hefði verið sagt frá því í kvöldfréttum sjónvarpsstöðvanna? Ekki eitt orð um að Selfossliðið næði þessum áfanga í gærkvöldi, hvorki hjá RUV eða Stöð tvö. Kannski varla von með stöð tvö, þeir lærðu í síðustu viku orðið "FLJÓTSHLÍÐ" ( lesið hægt) - án þess þó að vita endilega hvar sá staður er. Ekki hægt að ætlast til frekari landvinninga að sinni.

En RUV á fullt í fangi með að útlista fyrir okkur þriðja kvöldið í röð hvernig skotið var á fólk í Írak fyrir sex eða sjö árum og lýsa leitinni að ættingjum fórnarlambanna til að láta þau lýsa hremmingum sínum í smáatriðum. Hvernig eigum við að bæta það tjón, erum við einhverju bættari með þetta sjónvarpsefni, sem mig grunar að hafi kostað sitt- ég bara spyr?

Athugasemdir

[Mýrarljósið (IP-tala skráð) 8.4.2010 kl. 20:16]

Ég heyrði það nú samt á RÚV í gærkvöldi mín kæra!

[Helga R. Einarsdóttir, 8.4.2010 kl. 20:27]

Í sjónvarpinu?

[Mýrarljósið (IP-tala skráð) 8.4.2010 kl. 20:31]

Já og sýnt frá leiknum líka!!

[GK, 8.4.2010 kl. 21:25]

Ég sást meira að segja mamma mín...

[Helga R. Einarsdóttir, 8.4.2010 kl. 21:57]

Æ- afsakið RUV- ég fer of snemma að sofa. En ekki á stöð tvö þá?

[Gunnar Þór Gunnarson (IP-tala skráð) 9.4.2010 kl. 22:14]

finnst þér í alvöru merkilegt að lið komst upp um deild á íslandi í íþrótt sem er sú 156 vinsælasta í heiminum og áhorfendafjöldi í efstu deild er á 35% leikja undir 100......ætti varla að verðskulda stórt pláss í fréttatímum