Viltu vera samfó?

Alla daga klukkan hálf átta kemur ungur maður á tröppurnar hjá mér og bankar á þvottahúsdyrnar. Ég sé hann í gegum glerið, rauðan hjáminn, úlpuna bláu og stundum endurskinsvestið ef það hefur ekki gleymst. Frekar stór eftir aldri í alveg mátulegum holdum, myndarlegur ungur maður - alltaf brosandi. Ég opna dyrnar og hann kemur inn. Á meðan ég er að klæða mig í útifötin segir hann mér hvernig veðrið er, hvort ég ætti að fara í kuldabuxurnar og taka trefilinn með. Svo förum við út, hann opnar, en ég slekk ljósið. Lokum svo á eftir okkur og hann tekur hjólið sem liggur utaní tröppunum.  Við erum fimm mínútur að ganga í skólann, hann teymir hjólið götumegin og við tölum um  eitt og annað. Eiginlega alveg furða hvað margt má segja á fimm mínútum.

Athugasemdir

[Berglindhaf (IP-tala skráð) 6.2.2010 kl. 15:00]

Mikið er þetta nú notalegt!

Minnir mig bara á þegar maður kíkti í heimsókn til Iðunnar handavinnukennara og þegar maður var að bíða eftir Gumma í vaskahúsinu!

Það er gaman að þessu!

kv

Berglindhaf